BizPati

  • Ad
  • Ad
  • आज : २०७४ कार्तिक ४ गते
    Headlines :
    Ad
    Ad

    हयापी भ्यलेनटाइन डे

    गीता पुडासैनी फागुन २, २०७३

    gita pudasaini

    जसरी

    सुस्तरी सुस्तरी
    जब आरुको फुलहरुले पर कतै बाट
    सिर्र सिर्र
    बतास आए पिच्छे
    छाडिदिनु पर्छ
    बसिरहेको थुङ्गा
    त्यसैगरि
    आफ्नु अनुहार भरिको
    मुस्कान
    सर्लक्क पोखिदिएर
    मेरो अनुहार भरि
    काखमा राखिदिएर सुकिलो जिन्दगी
    पसिना सग जिउँन सिकाउने
    बर्ण जस्तो लाग्ने
    सपनालाई
    अर्थ पुर्ण शब्द र वाक्य बनाउन
    सिकाउने मेरि आमा
    हयाप्पी भ्यालेनटाइन डे।

    अल्प विराम
    जस्तै आधा जिन्दगी
    कमा दिए जस्तो
    कसैलाई राखेर आफ्नो पछाडी
    उभ्याएर प्रश्न बाचक चिन्ह
    पाइला पाइलामा
    सोधिएका एक मान्द्रो प्रश्नहरु
    आफ्नो सेतै फुलेको कपाल भरी उनेर
    कुनै शिशुको अबोध तोते हासो जस्तै
    मिठो मुस्कान
    चाउरिएका अनुहार भरी
    मेरै लागि मात्र
    पुर्णिामाको साझ
    ल्याउन सक्ने
    मेरि हजुरआमा
    हयाप्पी भ्यालेनटाइन डे।।

    सताब्दियौ देखी
    उभिएर थुम्कोमा
    पिएर सदियौ हिउँद
    मुस्कुराइरहेको पलासको थुङ्गा जस्तो
    सबैले
    अन्तिम अनुच्छेदमा मात्र राख्ने
    कथाको शाराम्श झै
    प्रश्न ,कमा, र अल्पबिरामलाइ
    पुर्ण बिराम दिने
    मेरा बा
    ह्यप्पी भ्यालेनटाइन डे।।।

    लाममा उभिएको तिर्थालुलेझै
    हरेक छिडि छिडिमा उभिएर आगनको डिलमा मुस्कुराइरहेको
    गुलाफ मुसारे झै
    मेरा आँखा भरी फुल्दै गरेका सपनाहरुलाइ समेटेर
    छाती भरी फुलाएर राख्न सक्ने
    मुल बाटो टुङ्याउन उभिएका
    दोबाटोहरु बाट बचाएर
    हिर्दयको उचाइमा पुग्न सघाउने
    डुबुल्की मरेर प्रेमको गहिराईमा
    जिन्दगीको डुंगा तार्न सिकाउने
    मेरो प्रेम
    मेरो जिन्दगी
    हयाप्पी भ्यालेनटाइन डे।।

    ७०० पटक
    प्रतिकृया दिनुहोस्