BizPati

  • Ad
  • Ad
  • आज : २०७४ कार्तिक ४ गते
    Headlines :
    Ad
    Ad

    दार्जलिङको विरोधलाई हिंसात्मक नबनाई वार्तामा आउन भारतीय गृहमन्त्रीको आग्रह

    पीटीआई आषाढ ५, २०७४

    ५ असार, नयाँदिल्ली । दार्जलिङमा छुट्टै राज्यको माग गरी प्रदर्शनमा रहेका गोर्खा जनमुक्ति मोर्चा (जीजेएम)का कार्यकर्ता तथा दार्जलिङवासीलाई आइतबार आफ्ना माग सम्बोधन गराउन हिंसाको बाटो नअपनाई वार्ताको माध्यमबाट समस्याको समाधान निकाल्न भारतीय केन्द्र सरकारका गृहमन्त्री राजनाथ सिंहले आग्रह गर्नुभएको छ ।

    गृहमन्त्री सिंहले हिंसाको बाटोबाट कहिल्लै पनि समस्याको समाधान खोज्न नसकिने भएकाले समग्र दार्जलिङवासीलाई शान्त एवम् धैर्य रहन आग्रह गर्नुभएको छ ।

    “सबै सम्बद्ध पक्षले आफ्ना मतभिन्नता र गलत बुझाईलाई जिम्मेवार बनी वार्ताका माध्यमबाट सौहाद्र वातावरणमा समाधान गर्न सकिन्छ,” सिंहले भन्नुभयो ।

    भारतजस्तो प्रजातान्त्रिक मुलुकमा हिंसाले समस्याको समाधान खोज्न असम्भव हुने बताउँदै उहाँले हरेक विषयको आपसी समझदारीबाट समाधान निकाल्न सकिनेमा जोड दिनुभयो । “म दार्जलिङ र वरपरका क्षेत्रमा बसोबास गर्ने जनतालाई शान्त र जिम्मेवार बन्न अपिल गर्छु,” गृहमन्त्री सिंहले एकपछि अर्को गरी जारी ट्वीट सन्देशमा लेख्नुभएको छ ।

    सिंहले पश्चिम बङ्गालका मुख्यमन्त्री ममता वनर्जीसँग पनि आइतबार नै कुराकानी गरी दार्जलिङमा देखिएको अवस्थाका बारेमा थप जानकारी लिनुभयो ।

    “उहाँ (बनर्जी)ले दार्जलिङमा रहेको अवस्थाबारे मलाई जानकारी गराउनुभयो,” गृहमन्त्री सिंहले जनाउनुभयो ।

    सिंहले शनिबार पनि मुख्यमन्त्री वनर्जीसँग कुराकानी गर्नुभएको र दार्जलिङमा शान्ति स्थापना गर्न यथासम्भव कदम चाल्न आग्रह गर्नुभएको थियो । प्राकृतिक सुन्दरता रहेको दार्जलिङका विद्यालयमा बङ्गाली भाषालाई अनिवार्य बनाउने निर्णयले विगत केही दिन यता दार्जलिङवासी व्यापक विरोधमा उत्रिएका हुन् ।

    अर्ध–स्वायत्त गोर्खाल्याण्ड प्रदेश प्रशासनमा पकड रहेको जीजेएमले गोर्खाल्याण्डलाई छुट्टै राज्य बनाउन माग गर्दै विरोधको नेतृत्व लिइरहेको छ ।

    आइतबार हजारौँ दार्जलिङवासीले प्रहरी भीडन्तमा मारिएका जीजेएमका कार्यकर्ताको मृत शरीर लिएर स्थानीय चोक तथा बजारमा उत्रिएपछि प्राकृतिक सुन्दरताले सिङ्गारिएको उक्त सहर थप तनावग्रस्त बनेको बताइएको छ ।

    शनिबार प्रहरी र जीजेएमका कार्यकर्ताबीच व्यापक क्षेत्रमा झडपका घटना भएपछि सम्भावित दुर्घटनाबाट जोगाउन ठूलो सङ्ख्यामा सुरक्षाकर्मी तैनाथ गरिएको छ ।

    जीजेएमले दार्जलिङको सिङमरी क्षेत्रमा भएको प्रदर्शनका क्रममा शनिबार आफ्ना दुई समर्थकलाई प्रहरीले गोली हानी मारेको दाबी गरेको छ । प्रहरीले आफ्नो तर्फबाट गोली चलेको भन्ने भनाईको खण्डन गरेको छ र भनेको छ झडपका क्रममा एक प्रदर्शनकारीको मृत्यु भएको छ ।

    दार्जलिङमा जुन ८ देखि सुरुभएको आन्दोलनका क्रममा शनिबार पहिलो एक जनाको मृत्यु भएको छ । दार्जलिङमा विगत केही वर्षयता यस्तो खालको विरोध देखिएको थिएन ।

    ८१ पटक
    प्रतिकृया दिनुहोस्