BizPati

  • Ad
  • Ad
  • आज : २०७४ आश्विन ३१ गते
    Headlines :
    Ad
    Ad

    तक्माको शासन

    संसार न्यूज संवाददातासाउन १२, २०७४

    हिजो राजतन्त्र थियो, पछि प्रजातन्त्र आएको ढोल पिटीयो । प्रजातन्त्रमा दिइने मान पद्वी र सम्मानका धेरै भाग राणातन्त्रवालालाई नै दिइयो । प्रजातन्त्रपछि केही वर्ष राजतन्त्र अनि पञ्चायततन्त्र र सुधारिएको पञ्चायत हुँदै प्रजातन्त्रको पुनस्र्थापना भएको पनि प्रचार भयो पाठकबृन्द २००७, २०१७, २०३६, २०४३ र २०४६ का विभिन्न घटनाक्रममा केही नयाँ हुँदै र भनिदैं आएको सत्य हो, पाठकबृन्द । प्रत्येक उथुलपुथल र फेरबदलमा नयाँ तक्मा दिने र मान टक्रयाउने काम नियमित जस्तै हुन्छ । नेपालको इतिहास हेर्दा राणाकालमा हुक्के बैठक देखि गणतन्त्रकालमा चाप्लुसहरूलाई तक्मा दिएकै पाइन्छ ।
    गणतन्त्रको तक्मा गणतन्त्र विरोधिलाई, जनसेवा पदक जति व्यक्तिवादीहरूलाई समाजसेवी पदक नामै नचिनिएकाहरूलाई भएर मात्र यो पटकको तक्माको हल्ला आएको होइन पाठकबृन्द । त्यसो त गृहसचिवले आफू र आफ्नो बाबुलाई नै ठूला तक्मा शिफारिस गरेछन पाठकबृन्द । प्रधानमन्त्री प्रचण्डका पुत्र प्रकाश दाहाललाई चितवनका समाजसेवी भनेर ठूलै तक्मा भिराउन खोजिएपछि यो सामाजिक सन्जालमा दोहोरी–तेहरी सबै सुन्न पाइयो पाठकबृन्द । एकपक्षले भन्यो ३ बिहा र २ आधा गर्नेलाई पुरस्कार, अर्कोले भन्यो महाकाली बेच्नेलाई राष्ट्रवाद… नानाभाँतीका कुरा आए पाठकबृन्द । जेहोस् तक्माले शासन गर्ने हँुदैनथ्यो । पञ्चायती तक्मा र गणतान्त्रिक शासन शैली अलिक हजम भएन की !

    १६७ पटक
    प्रतिकृया दिनुहोस्