BizPati

  • Ad
  • Ad
  • आज : २०७४ मंसिर ७ गते
    Headlines :
    Ad

    ‘पूर्वी चितवन महोत्सव’ शुरु,  नयाँ जोडीलाई ४० प्रतिशत छुटसहित हनिमुन प्याकेज

    संसार न्यूज संवाददाताकार्तिक २५, २०७४

    honymoonचितवनको रत्ननगरमा २४ कात्तिकदेखि पहिलो ‘पूर्वी चितवन महोत्सव’ शुरु भएको छ ।

    रत्ननगर जेसिजको आयोजनामा भएको महोत्सवको उद्घाटन गर्दै वरिष्ठ कलाकार मदनकृष्ण श्रेष्ठले दलहरुकै कारण देशमा आर्थिक विकास हुन नसकेको संकेत गर्दै अब देशमा आर्थिक उन्नतिको बाटो खोज्नुपर्ने आवश्यकता औल्याए ।

    झण्डै २०० कक्ष रहेको महोत्सवमा मण्डपसहितको विवाह परिसर निर्माण गरी विवाहमा चाहिने सामग्री तथा विभिन्न जातजातिका विवाह संस्कृतिको प्रदर्शनी गरिने महोत्सव संयोजक निरज श्रेष्ठले जानकारी दिए ।

    श्रेष्ठका अनुसार यसपालि सामूहिक विवाह समारोहमा कसैको पनि नाम दर्ता नभएकाले उक्त कार्यक्रम भने स्थगित गरिएको छ । महोत्सवमा सहभागी भएका विसं २०७४ का जोडीलाई सौराहाका निश्चित होटलमा ४० प्रतिशत छुटको हनिमुन प्याकेजसमेत रहेको उहाँले जानकारी दिए ।

    महोत्सवमा दुलही शृंगार, रत्यौली, मेहन्दी लगाउने प्रतियागिता, तेक्वान्दो प्रतियोगिता, डोरी तान्ने प्रतियोगिता, तथा नृत्य प्रतियोगिता आयोजना गरिएको आयोजक संस्था रत्ननगर जेसिजका अध्यक्ष सुरेशचन्द्र आचार्यले बताए ।

    मंसिर ३ गतेसम्म चल्ने महोत्सवमा राष्ट्रिय कलाकार शिव परियार, इन्दिरा जोशी, ज्योति मगर, पशुपति शर्मा, मिलन लामा, मनोज गजुरेल तथा स्थानीय कलाकारको समेत विशेष प्रस्तुति रहने आयोजकले जानकारी दिएका छन् ।

    एकलाख दर्शकले अवलोकन गर्ने अनुमान गरिएको महोत्सवमा रु ४० टिकट राखिएको र विद्यार्थीका लागि रु २५ तोकिएको छ । कार्यक्रममा रत्ननगर नगरपालिकाका प्रमुख नारायण वन, जिल्ला समन्वय समिति चितवनका उपाध्यक्ष मुनाकुमारी श्रेष्ठ तथा कमल सिग्देल, मञ्जरी घिमिरे, कैलाश श्रेष्ठ लगायतले मन्तव्य राखेका थिए ।

    ४५ पटक
    प्रतिकृया दिनुहोस्
    Ad
    Ad