BizPati

  • Ad
  • Ad
  • आज : २०७४ मंसिर ७ गते
    Headlines :
    Ad

    अमेरिकी राष्ट्रपतीय निर्वाचनमा रसियाली हस्तक्षेपबारे ट्रम्पकोे अडान

    संसार न्यूज संवाददाताकार्तिक २७, २०७४

    trump२७ कात्तिक, हनोइ, भियतनाम । अमेरिकी राष्ट्रपति डोनाल्ड ट्रम्पले सन् २०१६ को अमेरिकी राष्ट्रपतीय निर्वाचनमा रसियाको हस्तक्षेप थियो वा थिएन भन्ने बिषयमा आफ्नो अडानबारे थप स्पष्ट पार्ने प्रयास गर्नुभएको छ ।

    भियतनामी राष्ट्रपति त्रान दाई कुआङसँग भियतनाममा आइतबार भएको संयुक्त पत्रकार सम्मेलनमा अमेरिकी राष्ट्रपति ट्रम्पले आफूलाई यस अगाडिका भनाइबाट टाढा राख्दै आफ्नो अमेरिकी गुप्तचर संस्थामाथि विश्वास रहेको जनाउनुभयो ।

    शनिबार भियतनामको दा नाङ शहरमा रसियाली राष्ट्रपति भ्लादिमिर पुटिनले उहाँका अमेरिकी समकक्षीसँगको कुराकानीमा आफ्नो अमेरिकी निर्वाचनमा हस्तक्षेप नरहेको बताउनुभएको थियो । त्यसपछि सञ्चारकर्मीसँग कुराकानी गर्दै ट्रम्पले आफूले रसियाली नेताको हस्तक्षेप नगरेको भनाइप्रति विश्वास गरेको जनाउनुभएको थियो ।

    तर राष्ट्रपति ट्रम्पको पुटिनको पक्षमा आएको भनाइलाई लिएर अमेरिकामा आलोचना भएपछि हिजोको भनाइलाई थप व्याख्या गर्दै आफू अमेरिकी गुप्तचर निकायको पक्षमा रहेको बताउनुभएको हो । अमेरिकी गुप्तचर निकायले अमेरिकी निर्वाचनमा रसियाको हस्तक्षेप रहेको दाबी गर्दै आएका छन् ।

    अमेरिकी राष्ट्रपति ट्रम्पले भन्नुभयो, “पुटिन आफू र रसियाले निर्वाचनमा हस्तक्षेप गरेको महशुस नगरेको मैले पाँए । मैले यस बिषयलाई विश्वास गरौँ वा नगरौँ । म आफ्नो गुप्तचर निकायसँग छु ।”

    ट्रम्पले अमेरिकाको रसियासँग मजबुत सम्बन्ध हुँदा यसले विश्वलाई फाइदा पु¥याउने बताउँदै भन्नुभयो, “रसिया र चीनजस्ता मुलुकको अमेरिकासँगको सहकार्यले कोरियाली प्रायदीप, सिरिया, युक्रेन र आतङ्कवाद समस्या समाधान गर्न सहज बन्छ र विश्वले यसबाट फाइदा लिनसक्छ ।”

    अमेरिकी राष्ट्रपतिले थप्नुभयो, “मलाई रसियासँग सधैँ तनावपूर्ण सम्बन्ध राख्नुलाई अमेरिकाको गुण मान्ने बिषयप्रति फरक धारण राख्छु र रसियालाई एक मित्रको रूपमा हेर्नुपर्ने लाग्छ ।” ट्रम्पले विश्व समुदायले रसियामाथि धेरै धेरै कडा प्रतिबन्ध लगाएको विषयलाई नपत्याएकोे बताउनुभयो ।

    “अब विनासको दिशामा अघि बढेको विश्वलाई सम्वेदनशील बन्दै अघि बढ्ने बेला आएको छ,” ट्रम्पले भन्नुभयो ।

    ट्रम्प भियतनामको दुई दिने भ्रमण सकी दक्षिण पूर्वी एसियाली राष्ट्रहरूको संगठन (आसियान) को ३१ सौँ शिखर सम्मेलनमा भाग लिन आइतबारनै मनिला जानुभएको छ ।

    ४६ पटक
    प्रतिकृया दिनुहोस्
    Ad
    Ad