५ मंसिर, काठमाडाँै । दिगो विकासका लक्ष्य हासिल गर्न मुलुकका आधा दर्जन संगठित संघसंस्थासँग संयुक्त राष्ट्रसंघीय विकास कार्यक्रम (युएनडिपी)ले समझदारीपत्रमा हस्ताक्षर गरेको छ ।
नेपाललाई सन् २०३० सम्ममा मध्यम आय भएको मुलुकका रुपमा विकास गर्दै यहाँको आर्थिक एवम् सामाजिक विकासमा सघाउने उद्देश्यले युएनडिपीले आज यहाँ एक कार्यक्रम आयोजना गरी ती संस्थासँग समझदारी गरेको हो ।
युएनडिपीले नेपाल उद्योग वाणिज्य संघ, नेपाल उद्योग परिसंघ, महिला उद्यमी महासंघ, होटल संघ नेपाल, राष्ट्रिय व्यावसायिक पहल र नेपाल बैंकर्स संघसँग दिगो विकास लक्ष्य हासिल, तिनको प्रवद्र्धन तथा निजी क्षेत्रको प्रवद्र्धनमा केन्द्रित रहेर सझदारी भएको छ ।
त्यस अवसरमा अर्थ मन्त्रालयका सहसचिव एवम् अन्तर्राष्ट्रिय आर्थिक सहयोग समन्वय महाशाखाका प्रमुख वैकुण्ठ अर्यालले निजी क्षेत्र आर्थिक समृद्धिको संवाहक भएकाले त्यसको प्रवद्र्धन गर्न सरकार क्रियाशील रहेको स्पष्ट गर्दै आवश्यक नीति तर्जुमा गरिएको बताउनुभयो ।
उहाँले निजी क्षेत्रको प्रवद्र्धनका निम्ति सरकारले सहजकर्ताको भूमिका निर्वाह गरेको बताउँदै निजी क्षेत्रलाई अधिकभन्दा अधिक सुविधा र सहुलियत दिन सरकारले कसर नराखेको उल्लेख गर्नुभयो ।
उहाँले भन्नुभयो, “मुलुक संघीयतामा गइसकेपछि निजी क्षेत्रलाई आर्थिक गतिविधि सञ्चालन गर्न थप अवसर प्राप्त हुने विचार व्यक्त गर्दै चुनौतीलाई अवसरमा परिणत गर्ने बेला आएको छ ।”
वि.सं.२०७४ मंसिर ५ मंगलवार १४:४६ मा प्रकाशित