भागदौडको जिन्दगीमा मान्छे थकान मेट्नका लागि इनर्जी डिङ्सलाई आफ्नो दैनिक तालिकामा राख्ने गरेका छन् । इनर्जी डिङ्स पिउनु धेरैले स्वास्थयका लागि उपयोगी छ भन्ने ठान्छन् तर एक अध्ययनले दैनिक त्यस्तो पेय पदार्थ सेवन स्वास्थ्यका लागि धेरै हानिकारक हुने तथ्य देखाएको छ । इनर्जी डिङ्समा चीनी, कैफीन, खनिज र गैरपोषक पदार्थ पर्दछन् जसले रक्तचाप, मोटोपना, हृदय रोग र मिर्गौला लगायतको समस्या पैदा गर्दछ । यसले हाम्रो शरीरलाई के कस्तो हानी पु¥याउँछ जानी राखौँ :
मुटुको रोग : मुटुको रोग हुनेले दैनिक २५० मिलीलीटर भन्दा बढी खानाले रक्तचाप, हृदय रोग र हृदयघातको जोखिम बढ्छ।
गर्भवतीमा खतरा : १८ वर्ष मुनिका तथा गर्भवती महिलाहरूका लागि यो पेय पदार्थ पिउनु धेरै हानिकारक हुन्छ ।
मधुमेय : यसमा पाइने कैफिनका कारण यसको दैनिक सेवनले मधुमेहको खतरा बढाउँछ।
माइग्रेन : इनर्जी डिङ्सको सेवनबाट धेरै टाउको दुख्ने, मुटुकाु धड्कन बढ्ने, पसिना आउने, हात तथा खुट्टामा कमजोरी पैदा गर्दछ । जुन, माइग्र्रेनको एउटा कारण हुन सक्छ ।
मानसिक समस्याहरू : यसमा रहेको हानिकारक तत्वहरुले निन्द्रा नलाग्ने, तनाब तथा कमजोरी महसुस गराउने जस्ता समस्या उत्पन्न हुने र यसले मस्तिष्कमा खराब असर गर्दछ ।
वि.सं.२०७४ मंसिर ९ शनिवार ०५:३३ मा प्रकाशित