अन्तराष्ट्रिय कलाकार समाज पोल्याण्डको आयोजनामा ‘म यस्तो गीत गाउँछु’ को प्रदर्शन गरिएको छ ।
पोल्याण्डको वार्सामा २६ नोभेम्बरका दिन चलचित्र निर्देशक सुदर्शन थापा र नायिका पुजा शर्माको उपस्थितिमा ‘म यस्तो गीत गाउँछु’ को प्रदर्शन गरिएको हो ।
राजधानी सहरको मल्टिपेलेक्स किनो एट्लाण्टिक मा रातको १०.३० बजे प्रदर्शन गरिएको चलचित्रले हाल सम्मको पोल्याण्डको रेकर्ड तोड्न सफल भएको छ । निर्देशक थापा र नायिका शर्माको उपस्थितिले हलमा अझ बढी उत्साह ल्याएको थियो । जब-जब स्क्रिनमा पुजा शर्मा देखिन्थिन् तब तब हलमा बजेको तालि र सिठीले स्पष्ट देखिन्थ्यो ।
आफ्नो ११ वर्षा देखिको पोल्याण्ड बसाईमा यति खचाखच दर्शकको उपस्थिति कहिल्यै नदेखेको साथै यत्तिको सफल चलचित्र हेर्न नपाएको ईनास पोल्याण्डका अध्यक्ष श्री कृष्ण न्यौपानेले जानकारी दिएका थिए । ,चलचित्र हेर्न आउँदा आफूले गरेको अपेक्षा भन्दा धेरै स्तरिय चलचित्र बनेको दर्शकहरुको प्रतिक्रिया थियो ।
चलचित्र प्रदर्शन पछि संक्षिप्त प्रतिक्रिया दिदै निर्माता एबम नायिका शर्माले भनिन् ‘म पोल्याण्डका लागि आउदै गर्दा उत्साह भन्दा पनि देश छोड्नु पिडा थियो तर, आज पोल्याण्डमा कलाप्रेमी साथिहरु र दर्शकको जुन मायाँ पाए त्यसले मलाई आफ्नो पेशामा अझ बढि सक्रिय हुने प्रेरणा दिएको छ । साच्ची भनु भने फेरी पोल्याण्ड आउने दिनको कल्पना गर्न थालेकी छु ।’
त्यसैगरि निर्माता एबम निर्देशक सुदर्शन थापाले भने ‘यति थोरै नेपालीहरु भएको र बिगतमा गरिएका कार्यक्रमहरु भन्दा यो धेरै सफल भएकोमा आयोजक एवं सहयोगी साथै हरुमा धेरै धेरै धन्यबाद, हाम्रो युरोप यात्राको सुरुवात हामीले सोचे भन्दा सफल भएको मैले ठानेको छु । नेपाली चलचित्रको प्रबद्र्धनका लागि साथीहरुले जुन तत्परता देखाउनु भयो, त्यसको लागि आभार ब्यक्त गर्दै भविष्यमा अझ बढी साथ दिनुहुनेछ भन्ने आसा राख्दछु । म पनि अझ बढी ईमान्दारिताका साथमा आफ्नो पेशामा समर्पित हुनेछु ।’
आश्विन परियार र बिनय अधिकारीको सहकार्यमा ईनास पोल्याण्डद्वारा प्रदर्शन गरिएको चलचित्रबाट संकलित रकम नेपालका अनाथ बालबालिकाको सहयोगार्थ हस्तान्तरण गरिने चलचित्र निर्माता एबम निर्देशक सुदर्शन थापाले जानकारी गराएका छन् ।
स्मरण रहोस नेपालबाट पोल्यान्डका लागि भनेर कलाकारहरु आएको यो पहिलो पटक हो ।
वि.सं.२०७४ मंसिर १५ शुक्रवार १०:०८ मा प्रकाशित