BizPati

  • Ad
  • Ad
  • आज : २०७४ मंसिर २६ गते
    Headlines :
    Ad

    उत्तरमान तिगेला बने लन्डनका अनुभवी सोलिसिटर

    संसार न्यूज संवाददातामंसिर २०, २०७४

    uttarman-tigelaलन्डन । युकेको युनिभर्सिटी अफ वेस्ट लण्डनबाट कानुन विषयमा माष्टर डिग्री प्राप्त गरे लगतै इंगलैंड र वेल्सका अदालतहरुमा कानुनी वकालत तथा ब्यबसाय गर्ने सोलिसिटर उत्तरमान तिगेला (लिम्बु) सोलिसिटर बन्न सफल भएका छन् ।
    तिगेलाले युकेको वकिलहरुको नियामक संस्था सोलिसिटर रेगुलेशन अथोरिटीको परिक्षा पास गरि गत १ डिसेम्बर २०१७ देखि आधिकारिक रुपबाट सोलिसिटरका योग्यता प्राप्त गरेका हुन् । युकेमा सोलिसिटर बन्नको लागि कानुनमा माष्टर डिग्री अनिवार्य हुदैन तर तिगेलाले दुवै पूरा गरेका छन् । कानुनमा माष्टर डिग्री र सोलिसिटर बन्ने नेपालीहरु युकेमा खासै छैनन् । छथर गाउँ पालिका वडा नं ५, प्रदेश न १ मा जन्मिएका तिगेलाले तेह्रथुम ओख्रेको भगवती माध्यामिक बिद्यालयबाट बि सं २०४३ मा एसएलसी र धरानको महेन्द्र क्याम्पसबाट बि सं २०४९ मा कानुन र मानविकीमा स्नातक गरि बि सं २०५० देखि अधिबक्ताको ब्यवसाय शुरु गरेका थिए ।
    त्रिभुवन विश्व बिद्यालय कीर्तिपुरमा अंग्रेजीमा स्नात्तकोत्तर गर्दागर्दै हंगकंग प्रस्थान गरेका तिगेलाले हंगकंगमा एक दशकभन्दा बढि ईमिग्रेसन तथा लिंगल कन्सल्टयान्सको रुपमा काम गरेका हुन । तिगेलाले सन् २००८ मा नेपाल नोटरी पब्लिक काउन्सिलको परिक्षा उत्र्तीण गरि पब्लिक नोटरीका काम समेत गर्दै आएका छन् ।
    युकेको सोलिसिटर हुने सपना बोकेरै ६ बर्ष अघि सपरिवार हङकङबाट लण्डन टेकेका तिगेलाले लन्डनको ब्रनेल युनिभर्सिटीबाट कानुनमा पोस्ट ग्राजुयट डिप्लोमा र लण्डनकै युनिभर्सिटी अफ वेस्ट लण्डनबाट लिगल प्राक्टिस कोर्ष उत्तीर्ण गरि सोहि युनिभर्सिटीबाट भर्खर लिगल प्राक्टिस र स्नात्तकोत्तर समेत गरेका हुन । लण्डनको ह्यारो स्थित कोर्टनी स्मिथ सोलिसिटर फर्ममा सोलिसिटरको रुपमा कार्यरत तिगेलाले ईमिग्रेसन, घरजग्गा खरिद, ब्यवसाय र पारिवारिक घरझगडा, ईन्सुरेन्स लगायतको कानुनी सेवा पुरयाउदै आएका छन ।
    युकेमा सोलिसिटर हुनको लागि कानुनमा ल डिग्री एलएलबी वा जिडिएल पुरा गरि १ बर्ष अनिबार्य प्राक्टिकल कोर्ष उत्तीर्ण गर्नुपर्ने हुन्छ र सो उत्तीर्ण पछि पुनः कुनै एक ल फर्ममा कम्तिमा २ बर्षको अनिबार्य ट्रेनीशीप पूरा गर्नुपर्दछ । युकेमा सोलिसिटर हुन चाहनेलाई कानुनी शैक्षिक योग्यता भन्दा पनि २ बर्षे ट्रेनिशीप चुनौती हुनेगर्दछ । र, सन् २०२० देखि सोलिसिटर्सको योग्यता सम्बन्धि अझै कठोर प्रावधानहरु आउने ब्रिट्रिस सरकारले जनाएको छ ।

    ४८ पटक
    प्रतिकृया दिनुहोस्
    Ad
    Ad