२५ मंसिर, काठमाडौं । सुनसरी क्षेत्र नं १ को प्रतिनिधिसभा सदस्यमा वाम गठबन्धनका उम्मेदवार जयकुमार राई विजयी भएका छन् ।
आइतबार राति १० बजे सार्वजनिक भएको मतपरिणामअनुसार उनले लोकतान्त्रिक गठबन्धनका तर्फबाट उमेदवार भएका संघीय समाजवादी फोरमका वरिष्ठ नेता अशोककुमार राईलाई २२ हजार ४०५ मतले पराजित गर्दै विजयी भएका हुन् । एमालेका उम्मेदवार जयकुमारले ४४ हजार ५२८ मत ल्याएर विजयी हुँदा अशोक राईले २२ हजार १२३ मत प्राप्त गरे ।
त्यस्तै सुनसरी सुनसरी क्षेत्र २ (क) मा वाम गठबन्धनका तर्फबाट प्रदेशसभाका उमेदवार सर्वध्वज सावाँ लिम्बू विजयी भएका छन् ।
आज बिहान सार्वजनिक भएको मतपरिणामअनुसार उनले २४ हजार ६७४ मत ल्याई विजयी भएका हुन् । उनका निकटतम प्रतिद्वन्द्वी नेपाली काँग्रेसका हेमकर्ण पौडेलले १९ हजार २४५ मत प्राप्त गरे ।
त्यस्तै प्रदेशसभा (ख) मा वाम गठबन्धनका तर्फबाट उम्मेदवार भीम आचार्य विजयी भएका छन् ।
आज बिहान सार्वजनिक भएको मतपरिणामअनुसार उनले २० हजार २११ मत ल्याई विजयी भएका छन् । उनका निकटतम प्रतिद्वन्द्वी नेपाली काँग्रेसका बुद्धि कटुवालले १२ हजार ९६४ मत प्राप्त गरे ।
सुनसरी ३ को (क) मा वाम गठबन्धनका तर्फबाट प्रदेशसभाका उमेदवार लिलाम बस्नेत विजयी भएका छन् ।
उनले १९ हजार ६६५ मत ल्याई विजयी भएका छन् । उनका निकटतम प्रतिद्वन्द्वी नेपाली काँग्रेसका कुमारजंग थापाले १७ हजार ६८१ मत प्राप्त गरे ।
वि.सं.२०७४ मंसिर २५ सोमवार ०४:३३ मा प्रकाशित