२५ मंसिर, काठमाडौं । भक्तपुरमा नेपाल मजदुर किसान पार्टीका सचिव प्रेम सुवाल प्रतिनिधिसभा सदस्यमा विजयी भएका छन् ।
भक्तपुरको क्षेत्र नं १ बाट प्रतिनिधिसभा सदस्यको उम्मेदवार बनेका प्रेम सुवालले ३३ हजार ७६ मत प्राप्त गरेर विजयी बन्दा नेपाली कांग्रेसका बाबुराजा जोशीले १७ हजार ७१८ मत ल्याएका छन् । साथै बामगठबन्धनका तर्फबाट उम्मेदवार बनेका माओवादी केन्द्रका मिलन सुवालले १५ जार ३७४ मत प्राप्त गरेका छन् ।
युवा पुस्तालाई अबसर दिनका लागि आफू चुनावमा नउठेको र युवालाई नै शक्ति हस्तान्तरण गरेको बताएका नेमकिपाका अध्यक्ष नारायणमान बिजुक्छेको सपना सुवालको जितसँगै पूरा भएको छ । यस अघि बिजुक्छे प्रत्यक्षमा विजयी हुँदा सुवाल समानुपातिक सूचीमा रहँदै आएका सुवाल अहिले प्रत्यक्षमा विजयी भएका छन् ।
सुवालले अब पार्टी अध्यक्ष विजुक्छेको विरासत थाम्दै जाने राजनीतिक विश्लेषकहरु बताउँछन् । साथै विजुक्छेको यो निर्णय अन्य राजनीतिक पार्टीलाई पनि उदाहरणका रुपमा देखा परेको छ ।
वि.सं.२०७४ मंसिर २५ सोमवार १०:२४ मा प्रकाशित