BizPati

  • Ad
  • Ad
  • Ad
  • आज : २०७४ माघ ६ गते
    Headlines :
    Ad

    डा. केसी प्रति

    टीका आत्रेय, इटहरी सुनसरी नेपालपौष २६, २०७४

    ऊ निडर उभिएको छ
    घामको नजीकै पञ्चाग्नी बालेर
    सत्यका खातिर
    बिना बस्त्र हिउँमा जमेर
    गरिरहेछ तपस्या लगातार
    एउटा पूर्ण सत्यको ।

    बिचारको धमिलो बाडीबाट
    सङ्लिनु छ
    एउटा न्याय, उसको नजरमा
    आफू हिंडेर मृत्युको बाटो
    खोजिरहेछ अरुको निम्ति
    निर्भय निर्भय गोरेटो ।

    आऊ प्रिय साथी
    हामी पनि सँगै हिडौं
    उसकै हात समाएर
    उसैसँग काँध मिलाएर
    मसीले गर्जिएर आज
    बहिरो शासकको
    कान खोल्नुछ
    आँखा खोल्नुछ
    जसले सत्य जानेर पनि
    निदाइरह्यो देश निल्ने अहंकार लिएर
    र हत्या गरिरह्यो
    दूर सपनाका भ्रुरुणहरुको ।

    ३५२ पटक
    प्रतिकृया दिनुहोस्
    Ad