८ फागुन, काठमाडौँ । एकदिवसीय विश्वकप क्रिकेटको छनोटको लागि नेपालको ब्याटिङ प्रशिक्षकमा भारतीय पुर्व क्रिकेटर उमेश पटवाल नियुक्त भएका छन् ।
अन्तर्राष्ट्रिय क्रिकेट परिषद आईसीसीले पट्वाललाई नेपालको ब्याटिङ प्रशिक्षकमा नियुक्त गरेको हो ।
आगामी फागुन २० गते देखि जिम्बावेमा हुन लागेको एकदिवसीय विश्वकप छनोटको तयारी स्वरुप पट्वाललाई नेपाली टिमको ब्याटिङ प्रशिक्षकको जिम्मेवारी दिइएको हो । पटवाल यस अघि अफगानिस्तानको ब्याटिङ प्रशिक्षकको रुपमा कार्यरत थिए ।
पट्वाल मंगलबार अपरान्ह साढे ३ बजे काठमाडौं आइपुग्ने बताइएको छ । पट्वालले भोलिदेखि नै टोलीलाई प्रशिक्षण दिने बताईएको छ ।
वि.सं.२०७४ फागुन ८ मंगलवार ०५:३६ मा प्रकाशित