मलेसियामा जेल सजाय भोगेर नेपाल फर्कने तयारीमा रहेका एक नेपालीको मृत्यु भएको छ ।
गैरकानुनी अवस्थामा कार्यरत रहेको अभियोगमा पक्राउ परेर झण्डै तीन महिना जेल सजाय भोगेका माझी फेदा, गाविस काभ्रेका अंगेश तामाङको उपचारका क्रममा मंगलबार (१३ मार्च) का दिन मृत्यु भएको हो । ।
मलेसियाको जोहरस्थित पोन्टेनको फिर्ती केन्द्र (डिर्पोटेशन सेन्टर) मा रहेका उनी अचानक विरामी भएपछि स्थानीय अस्पताल पु¥याइएको र त्यहि उनको मृत्यु भएको बताईएको छ । तामाङको सेप्टी सक र भाइरस इन्फेक्सनका कारण मृत्यु भएको पोस्टमार्टम रिर्पोटमा उल्लेख रहेको रहेको छ ।
नेपाली दूतावास मलेसियाका अनुसार तामाङ जेल सजाय पूरा गरेर मार्च २२ मा घरफिर्ने तयारीमा थिए ।
नेपाल आदिवासी जनजाति मलेसियाका अध्यक्ष पि.टी शेर्पा पिनासाका अनुसार तामाङका भाई उर्गेन तामालाई लिएर दूतावास पुगेर उनको शब पठाउन पहल गरिएको छ । दूतावासको सहयोगमा केही सातामै तामाङको शब नेपाल पठाइने पनि शेर्पाले बताए ।
वि.सं.२०७४ चैत २ शुक्रवार १४:२२ मा प्रकाशित