BizPati

  • Ad
  • आज : २०७५ कार्तिक २८ गते
    Headlines :

    नेपालको वायु सेवालाई खतराको सूचीबाट हटाइयो

    संसार न्यूज संवाददाताआषाढ ८, २०७५

    ८ असार, काठमाडौँ  । संस्कृति, पर्यटन तथा नागरिक उडड्यनमन्त्री रवीन्द्रप्रसाद अधिकारीले अन्तर्राष्ट्रिय नागरिक उड्डयन संगठनले नेपालको वायु सेवालाई खतराको सूचीबाट हटाउन सफल भएको बताएका छन् ।
    प्रतिनिधिसभाको आजको बैठकमा उडान सम्बन्धी समसामयिक विषयमा उठेका जिज्ञासाका सम्बन्धमा उनले नेपालको वायु सेवालाई सन् २०१३ मा गम्भीर सुरक्षा खतराको सूचीमा राखेकोमा हाल त्यसलाई हटाइएको जानकारी सदनलाई दिएका थिए ।

    मन्त्री अधिकारीले सरकारको प्रयासबाट नेपाललाई हवाई सुरक्षा खतरा सूचीबाट हटाउन सफल भएको र युरोपियन युनियनबाट भने खतरा सूची नहटेको हुँदा त्यसलाई पनि छिटै हटाउन पहल गर्ने प्रतिबद्धता व्यक्त गरे ।

    धेरै लामो समयदेखि हवाई रुटका सन्दर्भमा छलफल चले । तर, नेपालले मागेको हवार्ई रुटहरू प्राप्त भइरहेको थिएन तर पछिल्लो समयमा धेरै छलफलपछि त्यसमा प्रगति भएको उनी बताउँछन् ।

    नेपाल–जापान हवाई सम्झौता सन् १९९३ मा भएको र अहिले हप्तामा १४ उडानको व्यवस्था भएको उल्लेख गर्दै उनले संसारका जुनसुकै देशमा पुग्ने गरी आउने र जानसक्ने व्यवस्था हुनु महत्वपूर्ण उपलब्धि भएको र त्यसले गर्दा जापानी पर्यटक नेपाल भित्र्याउन सहयोग पुग्ने विश्वास व्यक्त गरे ।

    मन्त्री अधिकारीले नेपालगञ्ज– दिल्ली उडानका लागि आजै मात्र स्वीकृति दिएको र तीन÷चार महिनाका बीचमा त्यहाँबाट हवाई सेवा शुरु हुने बताउँदै बुद्ध एयरको विमानले छिटै नै काठमाडौँ– दिल्ली परीक्षण उडान गर्ने तयारी रहेको जानकारी दिए ।

    दुर्गममा हवाई भाडाको पुनरावलोकन हुन नसकेको उल्लेख गर्दै उनले २०७३ सालको प्रस्तावित भाडादरलाई समसामयिक बनाउनुपर्ने बताए ।

    मन्त्री अधिकारीले चार्टर एयरको हवाई सिण्डिकेट अन्त्य गरी यात्रुलाई सहज रुपमा आवतजात गर्ने व्यवस्था मिलाइएको बताउँदै पोखरा अन्तर्राष्ट्रिय विमानस्थको काम तीव्र रुपमा अगाडि बढिरहेको र सो विमानस्थलमा १८० सिटसम्मका जहाज चलाउन सकिने जानकारी दिए।

    विसं २०२१ सम्म निर्माण कार्य पूरा गरेर सो विमानस्थल सञ्चालन ल्याउन सकिने बताउँदै उनले गौतमबुद्ध अन्तराष्ट्रिय विमानस्थललाई एक वर्षभित्र सञ्चलानमा ल्याउने तयारीका साथ काम भइरहेको धारणा व्यक्त गरे ।

    मन्त्री अधिकारीले हालसम्म ४७ प्रतिशत काम पूरा भएको सो अन्तराष्ट्रिय विमानस्थलको असार मसान्तसम्ममा ५० प्रतिशत काम सकिने उल्लेख गर्दै निजगढ विमानस्थलको काम पनि द्रुतरुपमा अगाडि बढेको बताए ।

    हवाई सेवालाई आवश्यकताअनुसार कति विमानस्थल चाहिन्छ, भन्ने बारेमा अध्ययन गरेर काम गर्न जरुरी भएको र अबको छ महिनापछि करीब सबै ठाउँमा क्षेत्रीयस्तरबाट हवाई सेवा सञ्चालन हुने बताउँदै उनले प्रादेशिक हवाई सेवा निर्माणमा पनि सफलता प्राप्त गरेको जानकारी दिए ।

    नेपालमा वायुयान प्रवेशका लागि अहिलेसम्म चीनबाट आउनेमा नोनिम, पूर्वमा भुटानी वायुयानका लागि मात्रै मेची र दक्षिणमा सिमरा नेपालमा वायुयान प्रवेशका लागि तीन ठाउँ मात्रै थिए । सिमराको मार्गबाट मात्रै ९० जहाज आउँछन् । प्रस्थान (नेपालबाट जाने) का लागि भने चीनमा नोनिम, पूर्वमा मेची भुटानका लागि र दक्षिणमा विराटनगर, जनकपुर, सिमरा, भैरहवा र महेन्द्रनगर थिए ।

    पश्चिमबाट निमार्णधीन पोखरा विमानस्थल, गौतम बुद्ध विमानस्थल र निजगढ विमानस्थलसम्म आउने अन्तर्राष्ट्रिय उडानहरूको प्रवेशका लागि नेपालगन्ज र महेन्द्रनगरमा प्रवेशमार्ग आवश्यक थियो ।(रासस)

    ५५ पटक
    प्रतिकृया दिनुहोस्
    Ad
    Ad
    Ad
    Ad