BizPati

  • Ad
  • आज : २०७५ साउन ६ गते
    Headlines :
    Ad

    त्यो प्रिय असार

    मुरलीधर घिमिरेआषाढ १५, २०७५

    मुरलीधर घिमिरे

    हलोले जोती दाँदेले फेरि त्यो हिलो सम्याई
    कोदाली खनी चप्परी लिई त्योआली लगाई
    त्यो बिउ काडी लगेर बाँडी मस्किँदै टोलाई
    रोपेको धान छुपुमा छुपु हेर्थेँ म लजाई

    उतै छ खेत उतै छ बारी छोडेर हिँडियो
    शरीर यता यो मन उता बाध्य भै छोडियो
    दोहोरी गीत हली र बाउसे सोल्टिनीबिचको
    सुनेको माया प्रीतिका भाका सपनामय भो

    दही र च्युरा टपरी दुना अचार थपेको
    टिपेर अम्बा पारेर जम्मा ल खाऊ भनेको
    कहिले झरी कहिले घाम ओझेल परेको
    पर्वाह छैन हिलो छ साथी भनेर रमेको

    तन्नेरी जोस भविष्य सोच सुन्दर कामना
    संसार बिर्सी कुदेका दिन एकता भावना
    हरियो चोला फेरियो होला मनमै कल्पना
    साथीले भन नढाँटीकन हुन्न त्यो सम्झना ?

    ६७ पटक
    प्रतिकृया दिनुहोस्
    Ad
    Ad
    Ad
    Ad
    Ad
    Ad