BizPati

  • Ad
  • Ad
  • आज : २०७५ आश्विन ४ गते
    Headlines :
    Ad

     नियात्राकार नयाँघरेले ल्याए ‘औंला-औंलामा अस्ट्रेलिया’

    संसार न्यूज संवाददाताआषाढ १६, २०७५

    १६ असार, काठमाडौं । युवा निबन्धकार तथा नियात्राकार युवराज नयाँघरेको ‘औंला–औंलामा अस्ट्रेलिया’ को विमोचन सम्पन्न भएको छ ।
    १५ असारका दिन होटल होलिडे इन बागबजारमा आयोजित विमोचन कार्यक्रममा शताब्दी पुरुष सत्यमोहन जोशीले कृति विमोचन गर्दै नेपाली निबन्ध र नियात्रामा नयाँघरेले उल्लेखनीय योगदान पु¥याएको चर्चा गरेका थिए । जोशीले यस कृतिले अस्ट्रेलियाली आदिवासीबारे निकै राम्रोसँग उल्लेख गरेको बताए ।
    त्यस्तै समालोचक महेश पौडेलले नियात्रा संग्रहमाथि आफ्नो मन्तव्यमा नयाँघरेको आफ्नोपन र खुबी यहाँ पोखिएको भन्दै नियात्राको विशिष्ट स्वाद र शैली यस कृतिभित्र भेट्न सकिने बताए ।


    साहित्यकार कृष्ण धराबासीले शुभकामना दिँदै नयाँघरे घुमेर लेखिरहने एकजना समर्पित लेखक रहेको बताए । ‘नियात्राको कला र मौलिक शैलीका धनी नयाँघरेको यो कृतिले अस्ट्रेलियालाई नयाँ पाराले व्याख्या र विवेचना गरेको छ ।’ धरावासीले भने ।
    कृतिकार नयाँघरेले आफ्नो मन्तव्यमा नेपाली निबन्ध र नियात्रा लेखन कला जारी राख्ने बताउँदै अस्ट्रेलियामा जाने र आउनेहरुको विशेष अनुभूति यहाँ लिपिबद्ध रहेको बताए ।
    निकै भव्य भएको विमोचन समारोहमा निबन्धकार मणि लोहनी, रत्न पुस्तक भण्डारका प्रबन्धक सुरेश श्रेष्ठ लगायतले मन्तव्य राखेका थिए ।
    निवन्धकार नयाँघरेका १५ वटा कृतिमा यस अघि ६ वटा नियात्रा कृति आइसकेका छन् ।

    २४९ पटक
    प्रतिकृया दिनुहोस्
    Ad
    Ad
    Ad
    Ad