BizPati

  • Ad
  • Ad
  • आज : २०७५ आश्विन ३ गते
    Headlines :
    Ad

    विश्वास

    घनेन्द्र अोझा, काठमाण्डाै नेपालभाद्र ८, २०७५

     

    धेरै बेर ओछ्याइरहेर
    आँखाहरू क्षितिजमा
    नियालिरहिन्
    र, मुजा परेको निधार
    झनै खुम्च्याएर
    अमिलो अनुहार पार्दै भनिन्
    ‘होइन रहेछ ।’

    उनको खोजी जारी छ वर्षौंदेखि
    वर्षौंदेखि नियालिरहेकी छन्
    यसरी नै बाटाहरू ।

    देश बनाउन हिँडेको जवान छोरो
    घर बनाउन हिँडेको अधवैँसे लोग्ने
    जनताको मुक्तिका लागि घर छाडेकी छोरी
    सबैसबै आउँछन् फर्किएर
    यस्तै विश्वास छ उनलाई ।

    उनी,
    कुरिरहेकी छन् प्रियजनको आगमन
    कहिले आउँछन् सपनामा
    र चिमोट्छन् नराम्ररी
    कहिले झुल्किन्छन् कल्पनामा
    र झस्काउँछन् बेस्मारी ।

    आशा छ उनको
    लोग्ने आएपछि छाइनेछ चुहिएको छानो
    छोरो आएपछि बन्नेछ नयाँ घर
    छोरी आएपछि हुनेछ सुन्दर परिवार ।

    तर थाहा छैन उनलाई
    काम गर्दागर्दै दुर्घटनामा
    उनको लोग्ने बितेको
    थाहा छैन
    “देश बनाउँदा बनाउँदै” युद्धमा
    छोरो मरेको
    र जनतमुक्तिका गीत गाउँदागाउँदै छोरी ढलेकी ।

    यो बुढ्यौलीको अन्तिम समय
    यसरी नै बाँचेकी छन् उनी
    साँच्ची ! कति निर्दयी हुन्छ है विश्वास !
    कति निष्ठूर हुन्छ है आशा !

    इति

     

    २०३ पटक
    प्रतिकृया दिनुहोस्
    Ad
    Ad
    Ad
    Ad