BizPati

  • Ad
  • आज : २०७५ आश्विन ३१ गते
    Headlines :

    कलाकार सिम्खडाको उपन्यास ‘वराङ्गना’ सार्वजनिक

    संसार न्यूज संवाददाताआश्विन ६, २०७५

    काठमाडौँ । कलाकार सोबिता सिम्खडाको पहिलो साहित्यिक कृति ‘वराङ्गना’ उपन्यास शुक्रबार सार्वजनिक भएको छ ।

    पुस्तक विमोचन गर्नुहुँदै साहित्यकार एवं पूर्वप्रधानमन्त्री लोकेन्द्रबहादुर चन्दले पछिल्लो समय साहित्यको क्षेत्रमा कलम चलाउने महिलाको सङ्ख्या वृद्धि भइरहेकाले एक दशकमै राम्रो उपलब्धि हासिल हुने विश्वास गरे ।

    पुस्तकको समीक्षा गर्दै साहित्यकार नवराज लम्सालले ‘वराङ्गना’ प्रेम जीवनमा आधारित समसामयिक कृति भएको बताएका थिए । ग्रामीण परिवेशमा बोलिने भाषामा लेखिएको पुस्तक सामाजिक यथार्थता चित्रण गर्न सफल रहेको उनको भनाइ थियो ।

    अधिकांश लेखक अरूको विचारको भरिया हुने गरेकामा सिम्खडाले स्वतःस्फूर्त रूपमा बोलीचालीमा प्रयोग हुने शब्दको उपयोग उपन्यासमा गरेको लम्सालले सनाइन् ।

    कार्यक्रममा पत्रकार बबिता बस्नेत, राष्ट्रिय मानव अधिकार आयोगकी सदस्य एवं प्रवक्ता मोहना अन्सारी, राष्ट्रिय दलित आयोगका पूर्वसदस्य सचिव सीताराम घले परियार, लेखिका सिम्खडा लगायतले वर्तमान प्रेम जीवनलाई उपन्यासमा उतारिएको बताएका थिए ।

    सिम्खडाले दुई दर्जन नेपाली चलचित्रमा नायिकाको भूमिका निर्वाह गरेको सो अवसरमा जानकारी गराइएको थियो ।

    ३१८ पटक
    प्रतिकृया दिनुहोस्
    Ad
    Ad
    Ad
    Ad