BizPati

  • आज : २०७५ पौष ३ गते
    Headlines :

    आईसीसी टी– ट्वान्टी एशिया छनोट: नेपालले थाईल्यान्डको सामना गर्दै

    संसार न्यूज संवाददाताआश्विन २१, २०७५

    २१ असोज, काठमाडौँ । मलेसियामा जारी आईसिसी विश्व टी–ट्वान्टी क्रिकेट एसिया छनोट समूह बी अन्तर्गत आफ्नो तेस्रो खेलमा नेपालले आज थाइल्याण्डको सामना गर्दै छ ।
    अघिल्ला दुई खेलमा लगातार जित निकालेको नेपालले तेस्रो खेलमा थाइल्याण्डसँग आइतबार खेल्न लागेको हो । यसअघि नेपालले शनिबार आयोजक मलेसियालाई ८ विकेटले हराएको थियो भने त्यसअघि पहिलो खेलमा म्यानमारलाई पनि ८ विकेटले नै हराएको थियो ।

    क्वालालम्पुरस्थित वायुमास ओभलमा नेपाल र थाइल्याण्डबीचको खेल नेपाली समय अनुसार १२ः१५ बजे सुरू हुनेछ । थाइल्याण्डसँग नेपालको आजको भेट पहिलो हो । जारी प्रतियोगितामा ३ खेलबाट ५ अंक जोडेको थाइल्याण्ड शीर्ष स्थानमा छ । २ खेलबाट ४ अंक जोडेको नेपाल तेस्रो स्थानमा छ । २ खेलबाट समान ४ अंक जोडेको सिंगापुर दोस्रो स्थानमा छ।

    नेपालले यसपछि मंगलबार भुटानसँग, बुधबार चीन र शुक्रबार सिंगापुरसँग खेल्नेछ । छनोटबाट शीर्ष तीन टोलीले एसिया छनोटमा स्थान बनाउने छन्। एसिया छनोटबाट शीर्ष दुई टोलीले विश्वकपमा स्थान बनाउनेछन्। एसिया छनोटमा ७ टोलीले खेल्नेछन् ।

    १३१ पटक
    प्रतिकृया दिनुहोस्