BizPati

  • आज : २०७५ पौष ३ गते
    Headlines :

    अस्ट्रेलियाद्धारा नयाँ आप्रवासीलाई ग्रामीण क्षेत्रमा पठाउने घोषणा

    संसार न्यूज संवाददाताआश्विन २३, २०७५

    २३ असोज, सिड्नी । एएफपी अस्ट्रेलिया सरकारले प्रमुख शहरमा मानिसको बढ्दो चापलाई ध्यानमा राखी आप्रवासीलाई अस्थायी रुपमा क्षेत्रीय र ग्रामीण क्षेत्रहरुमा मात्र बस्न दिने नयाँ योजना घोषणा गरेको छ ।

    बिशाल अस्ट्रेलियाको बस्ती छरिएर रहेको भएपनि अस्ट्रेलियाको जनसंख्या वृद्धिदर वार्षिक १.६ प्रतिशत रहेको छ । यो जनसंख्या वृद्धिदर आर्थिक सहयोग तथा विकास संगठन (ओइसीडी)मा आबद्ध मुलुकको तुलनामा सबैभन्दा बढी हो ।

    सिड्नी, मेलबोर्न र दक्षिणपूर्वी क्वीन्सल्यान्ड विश्वमै सर्वाधिक तीव्र गतिमा विकास भइरहेका शहरमध्येका हुन्, र यसो हुनुमा विदेशी आप्रवासी प्रमुख कारण हो, जनसंख्या मन्त्री अलान टजले भने ।

    अस्ट्रेलियाका पूर्वीक्षेत्रका सहरमा यही कारण पूर्वाधारमा मात्र गत वर्ष करिब १५ अर्ब अस्ट्रेलियाली डलर खर्च भएको थियो । बेलैमा नरोकिए सन् २०३० सम्ममा यो रकम करिब ४० अर्ब अस्ट्रेलियाली डलर पुग्नेछ, मेलबोर्नको मेन्जीज अनुसन्धान केन्द्रमा आयोजित कार्यक्रममा मन्त्री टजले बताए ।

    “यो अति घनाबस्ती परिवारहरुका लागि गम्भीर चुनौती हो र मुलुकका लागि गम्भीर आर्थिक चुनौती हो,” उनले बताए “अस्ट्रेलिया आउने मानिसलाई हामी साना प्रान्त र क्षेत्रमा स्थानान्तरित गर्ने उपायको खोजी गरिरहेका छौँ र उनीहरु त्यहाँ केही वर्ष बस्नै पर्दछ ।”
    अस्ट्रेलिया वर्षौंदेखि विश्वभरका मानिसका लागि आकर्षक गन्तव्यस्थल रहँदै आएको छ ।

    ६५ पटक
    प्रतिकृया दिनुहोस्