BizPati

  • आज : २०७५ चैत्र १२ गते
    Headlines :

    म त अचेल – आगो निभेका दिलभित्र आगो जोर्दै छु !

    बलराम तिमिल्सिना ‘मुक्तिपथिक’पौष २८, २०७५

    म त अचेल शब्दहरूको सलाई कोर्दै छु !
    आगो निभेका दिलभित्र आगो जोर्दै छु !

    मौसमभन्दा चिसो भयो मान्छेको मन !
    तात्ला भन्छु चिसिएर जम्ने भयो झन !
    चिसिएका मनमाथि सलाई कोर्दै छु
    सेकाउँनु पर्यो मान्छे आगो जोर्दै छु !
    म त अचेल….

    धेरै आए आगोमाथि पानी खन्याउँने !
    हिउँजस्ता कुरा गरी चिसो बनाउँने !
    कसरी युग वदलिन्छ मान्छे नतात्तिए
    दिलमा आगो सल्किएर मान्छे नमात्तिए
    म त अचेल…!

    केले पोल्ने कुँडा कर्कट आगो नसल्किए
    मनभरि उन्मुक्तिको लहर नछल्किए
    म त लगातार साथी सलाई कोर्दै छु
    मान्छेहरूको दिमागभित्र आगो जोर्दै छु
    म त अचेल….

    २०७५्र/०९्र/२७
    भक्तपुर

    १८९ पटक
    प्रतिकृया दिनुहोस्