BizPati

  • आज : २०७६ बैशाख ९ गते
    Headlines :

    स्वदेशतिर

    गोविन्द प्रसाद गौतम,मस्को रुसमाघ २७, २०७५

    ताजै छ घर देशबाट परदेशिएको त्यो घडी !
    बर्षौ कतै यतै अल्मलिए तोड्नै नसक्दा त्यो कडी !!

    प्रगतिको अन्तरिक्षमा पुग्ने सबै अभिलाषा छोडी !
    समय अनि बाध्यताको काँडेतारको बन्धन तोडी !!
    सदाझैँ परभूमिबाट स्वदेशमा फर्किने चाहना !
    प्रार्थना गर्दछु कहिलै नबनोस् यो अर्को बहाना !!

    भौतिक सुख,सयल र मोज चाहिएन भो मलाई !
    बसिन है हरपल पराई भै आफ्नै आत्मा जलाई !!

    पर भूमीको अबलंव छोडीयो लौ धेरै बर्षपछि !
    अतितका अद्भुत अनुभूतिहरूको यादमा बसी !!
    आल्हादित हुँदै, धैर्यहीन बनी लागे स्वदेशतिर !
    रत्तिभर छैन पर्वाह,पश्चाताप र मनमा पिर !!

    फर्के म सदाका लागि दृढ बनी,चित्त विशुद्ध पारी !
    भरिन्न कहिल्लै मानिसको जीवनमा लोभको भकारी !!

     

    १८३ पटक
    प्रतिकृया दिनुहोस्