BizPati

  • आज : २०७५ चैत्र ११ गते
    Headlines :

    जनसम्पर्क समिति बेल्जियमका उपसभापति सिटौलाद्धारा राजिनामा

    संसार न्यूज संवाददाताफागुन ८, २०७५

    जनसम्पर्क समिति बेल्जियमकाउपसभापति कमल सिटौलाले पदबाट राजिनामा दिएका छन् ।
    उनले नेपाली कांग्रेसको भातृ संगठनमा बिभिन्न जिम्मेवारी सम्हाल्दै आएको बताउँदै पार्टीभित्र इमान्दार कार्यकर्ताको मूल्यांकन नगरिएकोलगायतका विभिन्न कारण देखाउँदै १९ फेब्रअरीका दिन राजिनामा दिएको विज्ञप्तिमार्फत् बताएका छन् ।

    उनले सभापति सिता सापकोटाले त्रुटीहरुलाई महसुस गरी संस्थामा एकताको पहल गर्नुको साटो सामाजिक संजालमा साथिभाइलाई गाली गर्ने, चरित्र हत्या गर्ने, अन्य संघसंस्थाको कार्यक्रममा गएर आफ्नै साथीभाइविरुद्ध धावा बोल्ने लगायतका गतिविधि गरेको आरोप समेत लगाएका छन् ।

    ‘पार्टी भित्रको विकृति, ईमान्दार कार्यकर्ताको मूल्याँकन नगरिने प्रवृति, निहित स्वार्थको लागी लाग्ने व्यक्ति एवं झुण्डलाई पार्टी केन्द्र देखि इकाई सम्मले प्राथमिकता दिने परम्परा , मूलुकको विकास र जनताका समस्यालाई समाधान गर्ने भन्दा आफ्नो र आफन्तको व्यक्तिगत चाहनालाई पूर्ती गर्ने सँस्कृति, पार्टीभित्र वैचारिक छलफल र सामूहिक निर्णय विना नै नेतृत्वले आफूखुशी निर्णय गर्ने परम्परा कांग्रेस भित्र रहि रहँदा समेत कुनै दिन दोश्रो पुस्ताका नेताहरुबाट यसलाई चिरफार र सुधार गर्दै एउटा तारिफ योग्य र जनताको प्रीय पार्टीको रुपमा ढिलो चाँडो स्थापित होला भन्ने व्यग्र प्रतिक्षाका साथ यो पार्टी बाट टाढा हुन सकि रहेको छैन ।’ सिटौलाले भनेका छन् ।

    ‘म आफू जव राजनीति बारे जान्न र बुझ्न थालें सोही समयबाटै नेपाली कांग्रेसको भात्री संगठन अन्तर्गत विभिन्न जिम्मेवारीमा रहि काम गरें भने पार्टीको क्रियाशील सदस्यको रुपमा रहेर आफ्नो दक्षता र क्षमताले भ्याए सम्म निरन्तर रुपमा लागी रहें। पार्टी भित्रको विकृति, ईमान्दार कार्यकर्ताको मूल्याँकन नगरिने प्रवृति, निहित स्वार्थको लागी लाग्ने व्यक्ति एवं झुण्डलाई पार्टी केन्द्रदेखि इकाई सम्मले प्राथमिकता दिने परम्परा , मूलुकको विकास र जनताका समस्यालाई समाधान गर्ने भन्दा आफ्नो र आफन्तको व्यक्तिगत चाहनालाई पूर्ती गर्ने सँस्कृति, पार्टी भित्र वैचारिक छलफल र सामूहिक निर्णय विना नै नेतृत्वले आफूखुशी निर्णय गर्ने परम्परा कांग्रेस भित्र रहि रहँदा समेत कुनै दिन दोश्रो पुस्ताका नेताहरुबाट यसलाई चिरफार र सुधार गर्दै एउटा तारिफ योग्य र जनताको प्रीय पार्टीको रुपमा ढिलो चाँडो स्थापित होला भन्ने व्यग्र प्रतिक्षाका साथ यो पार्टी बाट टाढा हुन सकि रहेको छैन ।

    पार्टी प्रति आफ्नो जीवनको अत्यन्तै महत्वपूर्ण समय व्यतित गरेकै कारण प्रवासमा आएर पनि यस पार्टीको ईकाई जसस वेल्जियममा क्रियाशील रहें। गलत र स्वयेच्छाचारी प्रवृतिका विरुद्ध विगतका नेतृत्व माथी समेत प्रश्न खडा गर्ने हिम्मत गरें भने आफू उपसभापतिमा निर्वाचित हुँदाको कार्यसमितिका प्रारम्भिक गतिविधि बाटै सन्तुष्ट रहन सकिन। समितिको नेतृत्व एवं केही पधादिकारी बाट नियोजित रुपमा मेरो राजनीतिक क्यारियरलाई सिध्याउन ठूलै कसरत भए । गत अधिवेशनमा वेल्जियवासी दिदीवहिनी तथा दाजु भाइहरुले मलाई विस्वास गरि पधादिकारी मै सबै भन्दा बढी मत दान गरि म निर्वाचित भए सँगै भावी नेतृत्वमा दावी गर्छ भनि तर्सिएकाहरु सबै मेरो बिरुद्ध एकसाथ खनिए । जुनवेला उहाँहरु सबैमा अप्राकृतिक एकता कायम भयो । मैले सोचें मेरो अपमान हुँदा संगठनमा एकता कायम हुन्छ भने म चुपचाप सहेर वस्छु तर संस्थाका हरेक गतिविधि लाई नजिक बाट नियाली रहें । संस्थाको विरुद्ध एक शब्द समेत खर्चिन ।

    एन आर एन निर्वाचनमा संस्थापन समूहले विपक्षीसँग विना छलफल गठबन्धन वनाउन हतारियो भने केही साथीहरुले आपति जनाए । तर पनि संगठनको उम्मेद्वारकै पक्षमा सक्दो सहयोग गरें । यद्यपी म माथी केही पदाधिकारीले आफूसँगै निर्वाचित उपसभापतिलाई निस्क्रिृय रहन भनि गरेको निर्णय कामय नै थियो । दुखको कुरा यो छ कि उक्त हचुवामा गरिएको निर्णयलाई कार्यसमिति को पूर्ण बैठकमा छलफल गरी अनुमोदन गराउन समेत जरुरी ठानिएन ।

    यसरी समिति वेथिति र व्यक्ति एवं एउटा झुण्डको मनोमानीले चलिरहेको अवस्थामा निर्वाचित महामन्त्रीको नेतृत्वमा संस्था एकाएक विभाजित भयो जुन स्वभाविक जस्तो पनि देखिन्छ । एनआरएनए निर्वाचनमा संस्थाको उम्मेद्वारले लज्जास्पद पराजय भोग्दा र अहिले आफू नेतृत्वमा रहेकै वेला समिति २ समूहमा औपचारिक रुपले विभाजित हुँदा नैतिकताको आधारमा राजिनामा दिनु त कहाँ कहाँ आफूबाट भएका गम्भिर त्रुटी एवं कमजोरीलाई महसूस गरि सहमति कायम गर्न र संस्थाको एकताको लागी पहल गर्नुको साटो सामाजिक संजालमा आफ्नै साथी भाइ माथि गाली गलौज गर्ने, अक्टोवरको एनआरएनए विश्व सम्मेलनमा देखाई दिन्छु भनि धम्की दिने,अपमानित गरि चरित्र हत्या गर्ने, अन्य संध संस्थाका कार्यक्रममा गएर आफ्नै साथीभाई विरुद्ध धावा वोल्ने र ताण्डव नृत्य देखाउने तर्फ नेतृत्व उन्मुख देखिएको छ । जसले गर्दा एकतामा वाधा, गम्भिर विवाद र विभाजनलाई संस्थागत गराउने तर्फ सभापति सीता सापकोटा तल्लिन रहेको प्रष्ट हुन्छ ।

    यसै क्रममा एक समूहबाट आगामी मार्च ३ तारिख र अर्को समूहबाट १० मार्चमा भनिए पनि सोही दिन ३ तारिख मै छुट्टा छुट्टै अधिवेशन गराउने भनि सूचनाहरु सार्वजनिक गरिएका छन् । यस अवस्थामा संस्थाको एक इमान्दार कार्यकर्ता टुलुटुलु रमिता हेरेर वसिरहन सकिन । संस्था २ समूहमा विभाजित भए सँगै म आफू संस्थापन समूहबाट वाहिरिन नचाही रहेको अवस्थामा अधिवेशन तयारी समितिहरु गठन गरिंदा म लगायत केही साथीहरुलाई नियोजित रुपमा कुनै पनि जिम्मेवारीमा नराखिएको देख्ता सो समूहले मलाई समेत विद्रोहमा जाओस् भनि बाटो खुल्ला गरिदिएको महसूस भयो । जसले गर्दा अपमानित भएर यही अवस्थामा रहिरहन नैतिकताले दिएन र एउटा निर्णयमा पुग्न वाध्य भएँ ।

    एकताको अधिवेशन गर्दा दुवै समूहले एक अर्काको नेतृत्व स्वीकार नगरेको परिप्रेक्ष्यमा दुबै समिति विगठन गरि संस्थापक सभापतिको अध्यक्षतामा तोकिएकै समयमा अधिवेशन गर्ने गरि दुबै समितिका सबै सदस्यलाई समेटेर तैयारी समिति पुनर्गठन गर्ने, विगतमा भएका साथीहरु विच मनमोटाव गराउने खालका सबै निर्णय खारेज गर्ने, सबैले आफ्ना कमिकमजोरी लाई आत्माआलोचना गरि आगामी दिनमा नदोहोर्याउने प्रतिवद्धता जाहेर गर्ने, संभव भएसम्म कम विवादित व्यक्तीको नेतृत्वमा सबै आकांक्षीलाई समेटेर सर्वसम्मत कार्यसमिति चयन गर्ने, निर्वाचन मै गएमा पनि परिणामलाई स्विकार गरि आगामी दिनमा मिलेर अगाडी बढ्ने गरि सहमति कायम गर्न सबैलाई अपिल गर्दछु । यदि त्यसतर्फ कसैको ध्यान नगएमा र समस्या जीउँतो तेहीं रहेमा पार्टी केन्द्र लाई हस्तक्षेपकारी भूमिका खेली संस्थाको गरिमा वचाउन विशेष आग्रह गर्दछु ।

    अन्त्यमा एकताको वातावरण कायम गर्न हामीमा त्यागको भावना पनि हुनु पर्छ भन्ने शन्देश दिन आजकै मितिबाट लागुहुने गरि उपसभापति पदबाट राजिनामा दिएको घोषणा यसै विज्ञप्ति मार्फत सार्वजनिक गर्दछु । यदि विवाद समाधानतर्फ संवन्धित पक्षको ध्यान नगएमा के कस्तो कदम चाल्ने भन्ने बारे निकट भविष्यमै जानकारी गराउने छु । साथै गत अधिवेशनमा मलाई माया एवं विश्वास गरेर अमुल््य मत प्रदान गरि अत्यधिक मतले विजयी गराउनु हुने मित्र एवं शुभचिन्तक प्रति हार्दिक धन्यवाद सहित आभार समेत प्रकट गर्दछु।’

    वोधार्थ,
    नेपाली कांग्रेस केन्द्रिय कार्यालय
    सानेपा
    जनसम्पर्क समन्वय समिति यूरोप
    कमल सिटौला

    १८९ पटक
    प्रतिकृया दिनुहोस्