BizPati

  • आज : २०७५ चैत्र ११ गते
    Headlines :

    एता सुन, के तिमीलाई मुक्ति मन पर्छ ?

    बलराम तिमिल्सिना फागुन २४, २०७५


    कुनै सुन्दरी प्रतियोगितामा
    तरुनी चेलीको
    जोखिमपूर्ण शरीरको प्रदर्शनमा
    निम्ता आएको भए
    तिमी दौडेर पुग्थ्यौ होला !

    या कुनै बहुराष्ट्रिय कम्पनीले
    सन्नीलियोनको आगमन साँझ
    घोषणा गरेको भए
    टिकट काटेर छिर्थ्यौ होला !

    या त्यस्तै कार्यक्रममा
    अमिताभ बच्चन
    या सलमान खान आउने भएको भए
    तीन दिनदेखि नसुती
    टिकट बोकेर बस्थ्यौ होला !

    मैले गरेको निमन्त्रणा वेग्लै हो
    आठ मार्च
    श्रमिक महिला दिवस
    प्रबचन गोष्ठी
    यहाँ महिला मुक्तिको कुरा हुन्छ
    तिम्रै जिन्दगीको कुरा हुन्छ
    यहाँ आउँन त गाह्रै होला नि सुन्दरी ?

    दिमागभरि दासताको भारी बोकेर
    लाली घसेर पाउडर घसेर
    परेला मिलाउँदै
    कपाल खेलाउँदै
    खुल्ला उम्मेदवार बनेर यौनको
    बजारतिर हिड्दै गरेकी
    ए बजार सुन्दरी !
    एकछिन रोकिऊ

    हत्तेरिका लाटी !
    मुक्ति कुनै केटाको नाम हैन क्या
    किन नाम थर र वतन सोधेकी मुक्तिको ?

    तिमीलाई समानता मन पर्छ ?
    यो पनि कुनै संभावित वरको नाम होइन ।

    बजारबाट फर्क्यौ भने दुरुस्तै
    या घाइते भए पनि जीवितै
    तिमीसँग बात मार्नु छ
    के तिमीसँग सिरियस हुन समय छ ?

    १०७ पटक
    प्रतिकृया दिनुहोस्