BizPati

  • आज : २०७५ चैत्र ११ गते
    Headlines :

    यस्ताखानेकुरामा पाइन्छ भरपुर प्रोटिन

    संसार न्यूज संवाददाताफागुन ३०, २०७५

    हामी धेरैले सुनेका हुन्छौं कि प्रोटिन भएको खाना खानुपर्छ । तर, हामी कतिपयलाई प्रोटिनका स्रोत रहेका खानाको बारेमा थाहा पनि छैन । आउनुहोस् जानौं, प्रोटिन हाम्रो शरीरको लागि कति जरुरी छ त ?

    प्रोटिन हाम्रो शरीरमा क्याल्सियम र मिनरल्स मिलेर टिश्यु(तन्तु) बनाउने काम गर्दछ । हाम्रो शरीरको रक्तनली, आन्द्रा, लिवर, र किड्नी लगायतका महत्वपूर्ण अंग र छालाको निर्माण प्रोटिनबाट हुन्छ । मानिसलाई जीवनभर प्रोटिनको आवश्यक हुन्छ । यदि तपार्ई शकाकारी हुनुहुन्छ र खानामा बढी प्रोटिन चाहानुहुन्छ भने यी खानेकुरा खानुहोस् ।

    अण्डा–ओट्स् : धेरै मानिसहरू खाजामा ब्रेड, टोस्ट, स्याण्डबीचहरूको बढी प्रयोग गर्छन् । तर, यी खानेकुरा भन्दा अण्डा र ओट्स खाजामा समावेश गर्नुभयो भने यसबाट राम्रो प्रोटिन मिल्छ । एक कप ओट्समा ६ ग्राम प्रोटिन हुन्छ भने अण्डामा झण्डै १९ ग्राम प्रोटिन पाइन्छ । अण्डामा प्रोटिन मात्र नभएर शरीरको लागि आवस्यक पर्ने पोषकतत्व, सेलेनियम र कोलीन पनि पाइन्छ । यसले शरीरमा रहेको नराम्रो कोलेस्ट्रोलको मात्रा घटाउन सहयोग गर्दछ । जसले गर्दा मुटुको बिरामीको खतरा कम हुन्छ ।

    बदाम- बदाम पनि प्रोटिनको राम्रो श्रोत हो । यसमा धेरै पोषकतत्व हुन्छ । यो शरीरको लागि फाइदाजनक हुन्छ । बदाममा म्याग्नेशियम र फाइबरको साथै मोनोसेचुरेड फ्याट हुन्छ । यसले तपाईको मुटुलाई पनि फाइदा गर्छ । २८ ग्राम बदाममा लगभग ६ ग्राम प्रोटिन हुन्छ । ८ देखि १० दाना बदाम रातीमा भिजाएर बिहान बोक्रा फालेर खाँदा फाइदा हुन्छ । साथै भिजेको बदामलाई काटेर दही, तरकारीमा मिसाएर खान पनि सक्नुहुन्छ ।

    पनीर- पनीर पनि प्रोटिनको राम्रो स्रोत हो । यसलाई नास्तामा समाबेश गरेर खाँदा अत्यन्त राम्रो हुन्छ । एक कप (लगभग २२५ ग्राम) पनीरमा २५ ग्राम प्रोटिन र २२० क्यालोरी हुन्छ । दूधबाट बनेको अन्य उत्पादन जस्तै दही, चीज लगायतमा पनि प्रोटिन हुन्छ । सबैभन्दा बढी प्रोटिन चीजमा हुन्छ । २८ ग्राम चीजमा ७ ग्राम प्रोटिन हुन्छ ।

    यसका साथै चीज क्याल्सियमको राम्रो स्रोत पनि हो । नास्तामा तपार्ई चीज र ग्रील गरेको पनीर खान सक्नुहुन्छ ।  त्यस्तै फलफुलमा पनि एंटीअक्सिडेन्ट, फाइबर, भिटामिन्स लगायतका धेरै शरीरलाई आवश्यक पर्ने तत्वहरू पाइन्छ । साथै पीनट बटरमा पनि प्रोटिन हुन्छ । यसकारण नास्तामा तपाई काटेर सानो-सानो बनाइएको फलमा सानो चम्चाको २ चम्चा पिनट बटर राखेर खानु भयो भने यसले भोक पनि कम गराउने तथा तपाई बढी खाने बानीबाट बच्न सक्नुहुन्छ । यसले ब्लडमा शुगरको मात्रा कम पनि गराउँछ ।

     

    ८१ पटक
    प्रतिकृया दिनुहोस्