BizPati

  • आज : २०७५ चैत्र ११ गते
    Headlines :

    म अपराधी होइन कमरेड

    सुरज उपाध्याय फागुन ३०, २०७५


    कमरेड
    झण्डा यौटै हो
    दीर्घकालीन लाइन पनि यौटै हो
    यौटै हो मुक्तिको सपना पनि
    आज
    कहाँनेर कित्ताकाट भयो तिम्रो र मेरो
    आखिर जस्को रगत बगे पनि
    रातै भएर रंगिने झण्डा यौटै हो
    अस्ति भर्खरै हो
    युद्ध मोर्चामा सँगै लढेको
    यै ज्यानले हो तिमीलाई बचाएको
    हो कमरेड थवाङ साक्षी छ
    फेरिएको पनि छैन थवाङ
    हो कमरेड
    एक मुठी स्वास हुँदा सम्म
    शरीरमा रगत बग्दा सम्म
    लढ्न सिकाएको हजुर
    ले नै हो
    मैले बाटो बिराएको छैन कमरेड
    बेला बेलामा सम्झिरन्छु हजुरका प्रशिक्षणहरु
    म सँग सुरक्षीत नै छन् राता डायरीहरु
    हो कमरेड
    अझै म सँग खाराको एक बोरा खरानी बाकी छ
    अझ मँ सँग होलेरीको तिर्सना बाकी छ
    बाकी छन् थुप्रै सपनाहरू
    मैले बिसिएको छैन प्रचण्डपथ
    हजुरले
    जे पढ भन्नुभयो
    पढे मैले
    जे गर
    भन्नुभयो गरे मैले
    हो हजुरबाटै सिकेको हो
    मैले समाजवाद
    हजुरले नै देखाएको सपना हो साम्यवाद
    आज म त्यै यात्रामा छु
    अनि म कसरी अपराधी भए कमरेड
    म अपराधी भएँ
    हजुर महाअपराधी कमरेड
    आखिर हजुर चेलो हुँ म
    हजुरले उमारेको बिरुवा हुँ म
    यौटा मुक्तिको बिरुवा
    यौटा विचारको बिरुवा
    हुर्कदै हुर्कदै गरेको साम्यवादको पालुवा
    म अपराधी होईन कमरेड

    ५५६ पटक
    प्रतिकृया दिनुहोस्