BizPati

  • आज : २०७६ आषाढ ११ गते
    Headlines :

    टुटललाई ३.३ करोड कर, पठाओमाथि छानबिन जारी

    संसार न्यूज संवाददाताबैशाख ५, २०७६

    ५ बैशाख, काठमाडौं । ‘राइड सेयरिङ’ सेवा कम्पनी टुटलले ३ करोड ४० लाख कर तिर्नु भएको छ । आन्तरिक राजस्व कार्यालय ललितपुरले करिब तीन महिना फाइल अध्ययन गरी कर छलीको निष्कर्ष निकाल्दै कम्पनीमाथि कर निर्धारण गरेको हो । यो रकम जरिवना र व्याजसहित हो ।

    ‘तीन आर्थिक वर्षको मूल्य अभिवृद्धि कर (भ्याट), संस्थागत आयकर र राइडरलाई दिने रकमको अग्रिम करकट्टी शिर्षकमा कर निर्धारण गरिएको हो,’ राजस्व स्रोतले भन्यो, ‘दोस्रो बढी कर राइडरलाई भुक्तानी हुने रकमको अग्रिम करकट्टको १५ प्रतिशत हो । ‘उसका लागि निर्धारण गरिएको संस्थागत आयकर भने थोरै छ,’ स्रोतले भन्यो । कुन शीर्षकमा कति कर निर्धारण भएको बारे कर अधिकृतहरुले औपचारिक प्रतिक्रिया दिन चाहेनन् ।

    ‘टुटललाई सूचना दिएर सुनुवाईको मौका दिई कर निर्धारण गरिएको हो,’ कर कार्यालयका ती अधिकारीले भने । टुटलले २०७३\७४ मा उपभोक्तमाझ आफ्नो विद्युतीय बिलमै उल्लेख गरी एकवर्ष सम्म भ्याट रकम उठाएको थियो ।

    त्यस्तै एकवर्ष अघि संचालन भएको बंगलादेशी कम्पनी पठाओले पनि कर छली गरेको आशंकामा कर दर्ता कार्यालयले छानविन गरिरहेको छ । उसको कर निर्धारण गर्न बाँकी रहेको राजस्व कार्यालय ललितपुरका एक अधिकृतले बताएका छ । विहिबारको कान्तिपुर दैनिकमा कृष्ण आर्चाय र विजय तिमिल्सिनाले लेखेका छन् ।

    ९३ पटक
    प्रतिकृया दिनुहोस्