BizPati

  • आज : २०७६ आषाढ ११ गते
    Headlines :

    युएइमा कार्यरत एक नेपालीको सुतेकै अवस्थामा मृत्यु

    उमाकान्त पाण्डे, युएईबैशाख ८, २०७६

    युएइमा कार्यरत एक नेपालीको मृत्यु भएको छ । रोजगारीका लागि युएई ७ महिना अघि युएई आएका रामहरि रुम्बाको सुतेकै अवस्थामा ज्यान गएको छ ।

    इन्द्रसरोबर–४ मकवानपुरका रुम्बाको १६ अप्रिलका दिन मृत्यु भएको हो । सोहि दिन दिउँसो काम सकेर कम्पनीबाट फर्किएका उनी खाना खाएर सुतेका थिए । बिहान ड्युटी जाने बेलासम्म पनि उनी नउठेपछि उठाउन खोज्दा ओछ्यामै मृत भेटिएको एउटै कोठामा बस्दै आएका उनका काका समिप रुम्बाले जानकारी दिएका छन् ।

    नीड इम्लोइमेन्ट शर्भिसेजमार्फत् सामान्य कामदारका रुपमा युएई पुगेका ३० वर्षीय रुम्बा फुजेराहस्थित डिब्बामा रहेको खानबोली इलेक्ट्रोमेकानिकल कम्पनीमा कार्यरत थिए ।
    रुम्बाको के कारणले मृत्यु भयो भन्ने खुलेको छैन भने उनको शव खुरफकान अस्पतालमा राखीएको र कम्पनीसँग समन्वय गरिरहेको पनि सोहि क्षेत्रमा कार्यरत नवलपुर सेवा समाजका सल्लाहका शेर सुनारले जानकारी दिएका छन् ।

    उनको परिवारमा श्रीमतीसहित ९ वर्षीय छोरा र ४ वर्षीया छोरी रहेका छन् ।

    ६१ पटक
    प्रतिकृया दिनुहोस्