BizPati

  • Ad
  • Ad
  • Ad
  • आज : २०७४ फागुन ८ गते
    Headlines :
    Ad

    कवि महिमा

    ज्यो. तारानाथ भण्डारीः दिल्ली, भारतमाघ २८, २०७४

    पियो मीठो प्याला कविहृदयले यो प्रकृतिको ।
    बनी प्रज्ञा प्रेमी मुदितमनले दिव्य रस त्यो।।
    जहाँ पढ्छन् सुन्छन् प्रखर कविका काव्यरचना ।
    त्यहाँ फुल्छन् फल्छन् सुकविपद पद्माक्षगरिमा ।। १ ।।

    कला दौडी दौडी जब दिल छुनेछन् मनुजका ।
    जगत्को आत्मामा प्रणयनसुधा बन्छ कविता ।।
    सुधी ज्ञानी नामी कविवर गणाध्यक्ष सुर हो ।
    कला प्रेमी प्रज्ञा कविमन सदा प्रेय पुर हो ।।२ ।।

    बनून् प्रार्थी पूज्या कवि मनुजका श्रेष्ठ गहना ।
    छरी मिठो बास्ना कविकुल गरून् काव्यरचना ।।
    सबै नातागोता प्रमुदित बनून् एकमतमा ।
    सदा बाआमाको प्रियसुत भई आत्मगहमा ।। ३ ।।

    बने दानी हामी हृदयनभमा बस्छ सविता ।
    बगून् हाम्रा राम्रा मगजमनमा सौम्य सरिता ।।
    भवानी जस्तै हुन् विमलदिलका हृद्यवनिता ।
    सधैं सम्झी लेखूँ कुशलकमला काम्यकविता ।। ४ ।।

    छन्द शिखरिणी

    १६८३ पटक
    प्रतिकृया दिनुहोस्
    Ad
    Ad