BizPati

  • Ad
  • आज : २०७५ साउन १ गते
    Headlines :
    Ad

    केन्यालाई तीन विकेटले पराजित गरेपछि नेपालको तेश्रो जीत

    संसार न्यूज संवाददाताफागुन १, २०७४

    १ फागुन काठमाडौँ । आइसिसी विश्व क्रिकेट लिग डिभिजन–२ मा नेपालले केन्यालाई तीन विकेटले पराजित गर्दै प्रतियोगितामा तेस्रो जीत हासिल गरेको छ ।

    नेपालले केन्यामाथि प्रतियोगितामा तेस्रो जीत हासिल गरेको हो । यस जीतसँगै नेपालले चार खेलबाट ६ अंक जोडेको छ । नेपालले यसअघि नामिविया, संयुक्त अरब इमिरेट्सलाई पराजित गरेको थियो भने ओमनसँग हार व्यहोरेको थियो । केन्याले दिएको १७८ रनको लक्ष्य पछ्याएको नेपालले ७ विकेटको अन्तिम ओभरमा लक्ष्य पूरा ग¥यो ।

    नेपालका कप्तान पारस खड्काले ४२ रन जोडे । शरद् भेषवाकरले १९ रन जोडे, आरिफ शेखले ४२ रनको योगदान दिए भने ज्ञानेन्द्र मल्लले ९ रन बनाए । त्यस्तै रोहित पौडेलले ४७ रनको योगदान दिए । त्यसअघि टस हारेर पहिले ब्याटिङको निम्तो पाएको केन्याले निर्धारित ५० ओभरमा आठ विकेट गुमाउँदै १७७ रनको योगफल बनाएको थियो ।

    केन्याका लागि शुरुआती व्याट्सम्यान इरफान करिमले सर्वाधिक ४२ रन तथा अर्का शुरुआती ब्याट्सम्यान एलेक्स ओबान्डाले ४१ रन जोडे । त्यसैगरी कोलेन्स ओबुयाले २७, नेल्सन ओधिम्बोले २४ रन तथा सेम नोगोचेले अविजित २३ रन जोडे । केन्यालाई १७७ रनमा समेट्ने क्रममा नेपालका सन्दीप लामिछानेले उत्कृष्ट बलिङ गर्दै पाँच विकेट लिए । उनले १० ओभर बलिङमा ५ मेडन राख्दै ५ विकेट लिएर २० रन मात्र दिए । त्यसैगरी सोमपाल कामी, वसन्त रेग्मी र भेषावकरले एक एक विकेट लिएका थिए ।

    ९३ पटक
    प्रतिकृया दिनुहोस्
    Ad
    Ad
    Ad
    Ad
    Ad
    Ad