BizPati

  • Ad
  • Ad
  • आज : २०७५ आश्विन २ गते
    Headlines :
    Ad

    सबरी मुसहर्नी

    रमेशचन्द्र अधिकारी, मोरङ नेपालचैत्र १३, २०७४

    रमेशचन्द्र अधिकारी

     

    गिरतनी
    थाहा छ तपाईंलाई ?
    यो मुसाको दुलोभित्र खन्याएको पानीले
    पाताल भेटाउँछ र भेटाउँदैन ?
    या सोसिदिन्छ यो मट्टीले
    मेरा आँखाबाट नअटाएर खसेका
    केही ढिक्का आँशुलाई जस्तै ।

    म चानो ऋषिदेव
    ऋषिहरुको देउता भएर नि अपवित्र छु
    सोच्छु बारबार
    चक्राइरहन्छ मेरो माथ अनि
    मेरो पुर्खा सबरी मुसहर्नीले दिएको
    जुठो बयर
    किन स्विकारे भगवान रामले ?
    अनि किन स्विकारेनन्
    मैले छोइदिदाको पानी ?

    तर उफ !
    मेरो जवानी किन बयर भएको छ
    गिरतको ओठमा सदियौ देखि ?
    दानो भएर किन मिल्किएकी छु
    मालिकको बारीमा ?
    गिरतको बारीको धान खाने
    मुसाकै बाटो
    किन खन्नु पर्छ हाम्रो मरदले सदियौदेखि ?

    थाहा छैन
    संविधानको स्वाद
    खमारमा पोलेको मुसाको चटनी भन्दा
    मीठो हुन्छ कि ?
    शोषित र पिडित भनेको को हो ?
    गिरतनी,
    मलाई त लाज छोप्न पनि धौ धौ छ,
    राजनीतिले छोप्न मिल्छ र मिल्दैन?

    बिना फसलको बोट बनेको छ जिन्दगी ,
    यही बेला श्रीराम आए भने ?
    कसरी दिनु होला बयर ?
    र माग्नु होला वरदानमा मैले दिनाभद्री ?
    आफै सबरी बनेर

    इति

    १००७ पटक
    प्रतिकृया दिनुहोस्
    Ad
    Ad
    Ad
    Ad