BizPati

  • Ad
  • आज : २०७५ आषाढ ९ गते
    Headlines :
    Ad

    प्रदेशसभाको बैठकमा अनियमितता सम्बन्धमा सरकारको ध्यानाकर्षण

    संसार न्यूज संवाददाताबैशाख १२, २०७५

    १२ बैशाख, विराटनगर । प्रदेश नं १ को मंगलबार बसेको प्रदेशसभा बैठकका अधिकाँश सदस्यले पूर्वी क्षेत्रमा रहेका नदी कटान समस्या, कोशी टप्पु आरक्षण र बिपी कोइराला स्वास्थ्य विज्ञान प्रतिष्ठानमा भएका अनियमितताका सम्बन्धमा सरकारको ध्यानाकर्षण गराए ।

    झापा जिल्ला क्षेत्र नं ३ हल्दीबारी लगायतमा ल्याण्डलाइन टेलिफोन सुविधा उपलब्ध गराउनुपर्ने बताउँदै उनीहरूले जन्मसिद्ध नागरिकका सन्तानलाई कानून बनाई नागरिकता वितरण गर्नुपर्नेमा जोड दिए ।

    उनीहरूले जोगवनी–किमाथाङका सडक निर्माणमा विस्फोटन पदार्थका प्रयोग गरी दु्रत गतिमा कार्य गर्नुपर्नेलगायत अरुण नदीमा आउने तीर्थयात्रीलाई बसोबासको उचित व्यवस्था गर्न सरकारको ध्यानाकर्षण गराए ।

    कोशी टप्पु आरक्षणभित्र चरणका लागि आउने करिब ५० हजार घरपालुवा चौपाया नियन्त्रण गरी सो क्षेत्रमा जंगल सफारीको व्यवस्था गर्नुपर्ने उल्लेख गर्दै उनीहरूले नियम विपरीत सञ्चालित क्रसर उद्योगको अनुगमनका लागि प्रदेशसभाका सदस्यको अनुगमन टोली बनाउनुपर्ने तथा १७ वटा खोलाको मुहानमा तटबन्ध निर्माण गर्न सरकारले अविलम्ब कार्य गर्नुपर्ने माग गरे ।

    त्यस्तै विराटनगर–धरान ६ लेन सडक निर्माणमा एकरुपता हुनुपर्नेमा जोड दिदैं उनीहरूले इटहरीमा आकाशे पुल निर्माण गर्न सरकारको ध्यानाकर्षण गराए ।

    बिपी कोइराला स्वास्थ्य विज्ञान प्रतिष्ठान धरानमा स्वास्थ्य उपकरण खरीदमा भएको रु ६ करोडका अनियमितताका सम्बन्धमा छानबिन गर्नुपर्ने र धरानमा खानेपानीको समुचित व्यवस्था गर्नुपर्नेमा जोड दिदैं उनीहरूले यातायात कार्यालय इटहरीबाट सर्वसाधारणले सहजरुपमा सवारी चालक अनुमति पत्र पाउनुपर्ने तथा अलैँची बिक्री–वितरणका लागि थप बजार खोज्नुपर्ने बताए ।

    उनीहरूले पूर्वी पहाडी जिल्लामा पर्यटक वृद्धिका लागि पशुपतिनगरमा अध्यागमन कार्यालयको स्थापना गर्नुपर्ने, प्लान्ट क्वारेण्टाइन, पशु चेकपोस्ट र छोटी भन्सारको क्षेत्राधिकार वृद्धि गर्नुपर्नेलगायतका माग गर्दै उनीहरूले पूर्वी पहाडी जिल्लाका जनताको सुविधाका लागि धरानमा निर्माण गरिने विमानस्थलका लागि थप ९३ बिघा जग्गा खोज्नुपर्नेमा जोड दिए ।

    यसैगरी धरानमा रहेको खहरे खोलामा तटबन्ध निर्माण गरी मानव बस्ती जोगाउन उनीहरूले सरकारसँग आग्रह पनि गरे ।

    यसरी आग्रह गर्नेहरूमा प्रदेशसभा सदस्यहरू पूर्णप्रसाद राजवंशी, बिमल कार्की, उपेन्द्रप्रसाद घिमिरे, सर्वध्वज साँव, चन्द्रप्रसाद श्रेष्ठ, ज्योति सुब्बाल, खिनुलाम्वा लिम्बू र उदिता विक रहेका छन् ।

    ५७ पटक
    प्रतिकृया दिनुहोस्
    Ad
    Ad
    Ad
    Ad
    Ad