हामी सबैकाे संसारन्यूज

गैरआवासीय नेपाली संघ(एनआरएनए) ले नेपालको पर्यटन प्रर्वधन गर्ने उद्देश्यले भिडियो प्रतिस्पर्धाको आयोजना गरेको छ । नेपाल टुरिजम बोर्डसँगको सहकार्यमा ११ औ युरोपियन मिटिङ तथा महिला सम्मेलन २९–३० जुलाई, २०१८ को अवसर पारेर उक्त भिडियो प्रतियोगिताको आयोजना गरिने बताइएको छ ।

प्रतियोगितामा सहभागी हुनेहरुले भिडियो साउन ६ गतेसम्म अपलोड गरिसक्नुपर्ने छ । उपलब्ध गराईएका भिडियो मध्ये निर्णायक मण्डलले शरुमा १० वटा भिडियो छान्ने छन् भने छानिएका १० मध्येबाट ३ वटा.भिडियो सम्मेलनमा सहभागीहरु मध्येबाट भोठिङको आधारमा छानिने छ ।

भिडियो प्रतिस्पर्धामा पहिलो बिजेताले रु. १,००,०००।–, पहिलो रनरअपले रु ७५,०००। – र दोस्रो रनरअपले रु.५००००।– पाउने छन् । साथै ट्राभल्स तथा टुर्स प्याकेज पनि उपलब्ध गराइनेछ ।

पहिलो चरणमा छानिएका १० जना सहभागी मध्ये बाकी रहेका ७ जनाबाट छानिएका २ जनालाई नेपालमा होटल, यात्रा र भ्रमणको प्याकेज राखिएको छ । उपलब्ध गराईएको भिडियो कही कतैबाट लिइएको नभई नितान्त नेपालमा भ्रमणको लागि उतप्रेरणा जगाउने खालको हुनु पर्नेछ ।

सहभागी भिडियोहरु नेपालको कला, मौलिकता, पहिचान, खाना,, हिमाली श्रृखला, गीत, चाडपर्व, धर्म, कला, सृजना लगाएतका विषय समेटिएको हुनुपर्नेछ । नेपालको यथार्थतालाई प्रतिविम्ब पार्ने खालको हुनुपर्ने बताइएको छ । भिडियो आयोजक आयोजनाको तर्फबाट ट्रकिस एयरलायन्स, टान, हान, कर्णाली इकर्मश लगायत सम्बन्धित संघसस्था रहेका छन् ।

आफुले तयार गरेको भिडियो https://erm-nrna.org/videochallenge/ मा गएर सब्मीट गर्न सकिनेछ । भिडियो प्रतिस्पर्धीको लागि निम्न बमोजिम केही नियमहरु रहेका छन्ः

• भिडियो एकल वा समुहमा बनाउन सकिनेछ ।
• पुरस्कार एकै प्रकारको तोकिए बमोजिम हुनेछ ।
• भिडियोको आकार ३ मिनेटसम्मको हुनुपर्नेछ ।
• उपलब्ध गराईएको भिडियो सम्बन्धित व्यक्तिमा निहित रहनेछ ।
• भिडियोको शब्द व्यक्तिगत धार्मिक तथा सास्कृतिक हुनुपर्नेछ ।
• प्रतिस्पर्धामा छानिएका भिडियोहरुलाई एनआरएनए र नेपाल पर्यटन
• बोर्डको तर्फबाट सामुहिक रुपमा प्रमाणपत्र हस्तानतरण गरिने छ ।
• उपलब्ध गराईएको भिडियो आयोजकले नेपालको पर्यटन प्रबद्र्धन गर्नको लागि निःशुल्क बिभिन्न छापा तथा अन्ध ठाउँमा प्रयोग गर्न सक्नेछ ।
• एक भिडियो बनाउने प्रतिस्पर्धीले कम्तिमा एकवर्षसम्म अन्य प्रतिस्पर्धामा सहभागी गराउन सक्ने छैन् ।

सम्मेलन “यूरोपीयन एनआरएनको प्रतिवद्दता, नेपालमा पर्यटन, ज्ञान, लगानी” भन्ने नाराका साथ सम्पन्न हुन गैरहेको छ ।