हामी सबैकाे संसारन्यूज

२९ साउन, काठमाडौँ । जनता बैंक नेपाल लिमिटेडले अन्तर्राष्ट्रिय रेमिट्यान्स सेवा सञ्चालनमा ल्याएको छ । देशभित्र ‘जनता रेमिट’ मार्फत सहज आन्तरिक रेमिट्यान्स सेवा दिदै आएको बैंकले विदेशमा रहेका ग्राहकहरुलाई समेत सुविधा दिने उद्देश्यले यो सेवा सुरु गरेको बैंकले जनाएको छ ।

बेक्स मनी एक्स्प्रेस एक्स्चेन्ज बहराइन र जनता बैंक नेपाल लिमिटेडबिच हालै भएको सम्झौताबाट अब बहराइनमा रहेका नेपालीहरुले जनता रेमिटमार्फत सुलभ रुपमा आफ्नो कमाई आफ्नो आफन्तलाई अथवा सिधै जनता बैंकमा रहेको खातामा पठाउन सक्नेछन् । खाताबाट कारोवार गर्नको लागि बेक्स मनी बहराइनमा रहेको कुनै पनि शाखामा सम्पर्क गरीे जनता बैंकमा खाता खोल्न र चेक बुक तथा एटिएम कार्ड प्राप्त गरी कारोबार गर्न सक्नेछन् ।

बहराइनबाट जनता रेमिटमार्फत पठाइएको रकम देशभरी रहेका जनता बैंकको १ सय २२ शाखाको अतिरिक्त करिब १६ हजारको संख्यामा छरिएका सम्सारा रेमिट, आईपे रेमिट, बूम रेमिट, जिएमई रेमिट र सेवा रेमिटबाट समेत भुक्तानी लिन सक्ने छन् ।

भारत र कुवेतसँगको सम्झौता अन्तिम चरणमा पुगेको र निकट भविष्यमै मलेशिया, जापान, कुवेत, कतार, ओमान र यूएईबाट समेत जनता रेमिट सेवा सुरु गरिने बैंकले जनाएको छ । ‘जनता बैंक नेपाली जनताको बैंक’ भन्ने नारालाई आत्मसाथ गरी अनवरत रुपले नेपाली जनताको घरदैलोमा बैकिङ्ग सेवा पु¥याउँदै आएको छ ।