Sansar News
एक टुक्रा ब्रेडसँग अलिकती जामसँग
यी पाखुरा साटेको छु मैले फलामसँग
मन लिएर केही दिनमा चिठ्ठी आइपुग्ला
बिन्तिभाउ गरेको छु एउटा खामसँग
पूर्णिमाको जून हेर्छु जूनभित्र उनी देख्छु
जूनलाई नलुकाउन भनेको छु घामसँग
सास फेर्दा मुटु दुख्दा बिर्सिएला भन्ने डरले
राखेकोछु जोडाएर उनलार्इ मेरै नामसँग
बा आमा र अरु आफ्ना छातीभित्रै बसेका छन्
भगवानलाई दाँजेको छु मैले गर्ने कामसँग ।
इति
गजलकार घिमिरे अन्तर्राष्ट्रिय नेपाली साहित्य समाजका वर्तमान केन्द्रिय सचिव तथा अासन्न निर्वाचनमा महासचिवका प्रत्यसी हुन । – सम्पदक
वि.सं.२०७५ भदौ ४ सोमवार १०:५४ मा प्रकाशित
