४ भदौं, काठमाडौं । एसिया कप छनोटका लागि तयारी खेल खेल्न नेपाली क्रिकेट टोली सोमबार श्रीलंका प्रस्थान गरेको छ आगामी भदौं १३ देखि २१ सम्म मलेसियामा हुने एसिया कपमा छनोट हुने आत्मविस्वास सहित नेपाली टोलीले नेपाल छोडेको छ ।
अभ्यासका क्रममा १० दिन सम्म श्रीलंकामा रहने नेपाली किक्रेट टोलीले त्यहाँ तीनवटा अभ्यास खेल खेल्नेछ । श्रीलंकामा रहँदा नेपालले त्यहाँको आर्मी क्रिकेट टिमसँग अगस्त २४ मा ब्लुमफील्ड र २४ मा कोल्टसँग अभ्यास खेल खेल्ने कप्तान पारस खड्काले जानकारी दिएका छन् ।
श्रीलंकाको अभ्यास पछि अगस्त २७ मा नेपाली टिम मलेसियाका लागि प्रस्थान गर्नेछ । नेपाल, मलेसिया, हङकङ, सिंगापुर र युएई संलग्न छनौट प्रतिश्पर्धामा शीर्षस्थानमा रहने टोली एसिया कपका लागि छनौट हुनेछ । नेपाली टिमका क्याप्टेन खड्का नेपाल एसिया कपमा छनौट हुने मीसन सहित श्रीलंका उड्न थालेको बताउछन् । ‘त्यहाँ सुधारिएको खेल पस्कदै नेपाललाई एसिया कपमा पु¥याउनु नै हाम्रो मिशन हो’ खड्काले भने ।
वि.सं.२०७५ भदौ ४ सोमवार १५:०३ मा प्रकाशित