हामी सबैकाे संसारन्यूज

२८ भदौ, काठमाडौँ । निर्मला पन्तका बुवाआमाले न्याय नदिने भए आफूहरुलाई गोलि हानेर मार्न सरकारसँग आग्रह गरेकी छिन् । छोरीको बलात्कारपछि हत्या भएपछी न्याय माग्न काठमाण्डौ आइपुगेका उनीहरुले सरकारसँग उक्त आग्रह गरेका हुन् ।

किसोरी छोरीको बलात्कार पछी हत्या भएको एक महिना पुग्दा पनि बास्तबिक दोषी पत्ता नलागेकोले काठमाण्डौले न्याय दिने आसमा आफूहरु काठमाण्डौ आएको उनिहरुले बताएका छ्न । छोरीको हत्या पछी बिछिप्त जस्तै बनेका बुवाआमाले रिपोर्ट्स क्लवमा पत्रकार सम्मेलन गरेर महेन्द्रनगरले न्याय नदिए पनि काठमाण्डौले न्याय दिनेमा आफुहरु आसाबादी रहेको जनाएका छ्न ।

पत्रकार सम्मेलनमा बोल्दै किसोरी निर्मलाकी आमाले भनिन “हामी पूर्ण भरोसाका साथ आएका छौ, काठमाण्डौले हाम्रो भरोसा तोड्ने छैन ।” काठमाण्डौले पनि न्याय नदिए छोरी अन्यायमा परेको पिडा सहेर आफुहरु बाच्न नसक्ने उनले बताइन । काठमाण्डौले न्याय नदिए आफुहरुलाई पनि गोली हानेर मार्न उनले सरकार्सङ्ग आग्रह गरिन् ।