हामी सबैकाे संसारन्यूज

५ असोज, काठमाडौँ । बस व्यवसायीहरूले दशैंको अग्रिम टिकट नखोल्ने निर्णय गरेका छन् । यसअघि शुक्रबारदेखि टिकट बुकिङ खोल्ने सहमति भएको थियो । लबिहीबार साँझ बसेको नेपाल यातायात व्यवसायी महासंघको बैठकले सरकारले गरेको पेट्रोलियम पदार्थको मूल्यवृद्धिको विरोध गर्दै बुकिङ नखोल्ने निर्णय गरेको महासंघका अध्यक्ष योगेन्द्र कर्माचार्यले जानकारी दिए । बारम्बार पेट्रोलियम पदार्थको मूल्यवृद्धि हुँदासमेत सरकारले भाडा भने नबढाएको महासंघ अध्यक्ष कर्माचार्य बताउछन् ।

नेपाल आयल निगमले गत सोमबार रातिबाट लागू हुने गरी पेट्रोलमा प्रतिलिटर २ र डिजेल तथा मट्टितेलमा प्रतिलिटर ३ रुपैयाँ वृद्धि गरेको थियो । व्यावसायीले मूल्यवृद्धि फिर्ता लिन निगमलाई ४८ घण्टे अल्टिमेटम दिएका थिए ।
निरन्तर पेट्रोलियम पदार्थको मूल्य वृद्धि भएको र उचित भाडा समायोजन नगरिएको भन्दै व्यवसायीहरुले सरकारसँग गरेको सहमति नमान्ने निर्णय गरेका हुन् । यसअघि पनि भाडा समायोजनको माग गर्दै व्यवसायीहरुले अग्रिम टिकट बुकिङ गर्न मानिरहेका थिएनन् । सरकारले पेट्रोलियम पदार्थको मूल्य वृद्धिसँगै गाडी भाडा समायोजन गर्नुपर्ने व्यवसायीहरुको बताउछन् । सरकारले उचित निर्णय नगरुन्जेलसम्म आफूहरुले अग्रिम टिकट बुकिङ खुल्ल्ला नगर्ने व्यवसायीहरुको अडान छ ।