Sansar News
५ असोज, काठमाडौं । भारतका चर्चित र्यापर बादशाहले १४औं दरवारमार्ग स्ट्रिट फेस्टिबलमा प्रस्तुती दिने भएका छन् ।
शनिबार काठमाडौंको दरबारमार्गमा हुने कन्सर्टका लागि उनी काठमाडौं आउन लागेका हुन् । पञ्जाबी मुलका यी गायकले कन्सर्टमा आफ्ना हिट गीतहरु ‘डिजेवाले बाबू’, ‘स्याटर्डे९स्याटर्डे’, ‘देसी हिपहप’ लगायत प्रस्तुत गर्नेछन् ।
फ्रि इन्ट्रि सिस्टम रहेको कन्सर्ट शनिबार मध्यान्न १२ बजेपछि सुरु हुनेछ । यसपालिको १४औं दरवारमार्ग स्ट्रिट फेस्टिबललाई जगदम्बा मोटर्सले प्रायोजन गरेको छ ।
नेपालका लागि टिभिएसको आधिकारिक बिक्रेता रहेको जगदम्बा मोटर्सले टिभिएसको ‘एनटर्क’ स्कुटर बुकिङ गर्ने ग्राहकलाई कन्सर्टका लागि बिशेष पासको व्यवस्था गर्ने जनाएको छ ।
कम्पनीका अनुसार एनटर्क बुकिङ गर्ने पहिलो ५० जना ग्राहकले बादशाहलाई प्रत्यक्ष भेट्ने मौका समेत पाउनेछन् ।
वि.सं.२०७५ असोज ५ शुक्रवार ०९:१४ मा प्रकाशित
