हामी सबैकाे संसारन्यूज

७ असोज, काठमाडौं । सामाजिक सन्जाल फेसबुक म्यासेन्जरमार्फत् जेठाजुले बुहारीलाई आपत्तिजनक शब्द प्रयोग गरेको उजुरीमा प्रहरीले वेवास्ता गरेको छ ।

महानगरीय प्रहरी अपराध महाशाखामा उजुरी गर्न पुगेकी पीडितलाई प्रहरीले उल्टै थुनिदिने धम्की दिएर फर्काइदिएको आजको नागरिक दैनिकमा समाचार छ ।

आफ्ना जेठाजु कृष्ण कुमार खड्काले आफूलाई अबशब्द प्रयोग गरेको भन्दै उजुरी दिन पुगेको समुना खड्कालाई त्यसरी फर्काइएको हो ।

नेपाल प्रहरीका पूर्वडिएसपी समेत रहेका खड्काले फेसबुक म्यासेन्जरमा लेखिएको आपत्तिजनक शब्दको ‘स्क्रिन सट’ प्रमाणसहित समुना महाशाखामा उजुरी गर्न गएकी थिइन् ।

तर, महाशाखाका प्रहरी निरीक्षक लीलाराम डाँगीले पीडित समुनालाई धम्क्याएर पठाएका हुन् ।