
८ असोज, काठमाडौं । सूचना प्रविधिको क्षेत्रमा एकलाख भन्दा बढी रोजगारी सिर्जना हुने देखिएको छ । सूचना प्रविधि क्षेत्रमा रोजगारीको बारे अध्ययन गर्न गठित कार्यदलले सरकारलाई बुझाएको प्रतिवेदनमा उल्लेख छ ।
प्रतिवेदनमा हाल करिब १४ हजार पाँचसय जनशक्ति सूचना प्रविधिको क्षेत्रमा काम गरिरहेको भएपनि केही सुधार गर्न सके ८५ हजार रोजगारी सिर्जना हुन सक्ने आँकडा प्रस्तुत गरिएको आजको अन्नपूर्ण दैनिकमा समाचार छ ।
प्रतिवेदनमा स्थानीय कम्पनी, सेवाप्रदायक कम्पनीसमेत गरी एकहजार भन्दा बढी दर्तावाला कम्पनी रहेको उल्लेख छ ।
वेभ, इनाबेल्ड सर्भिस, सफ्टवेयर डेभलपमेन्ट, व्यवस्थापन, सूचना प्रणाली, डाटा प्रशोधन, कल सेन्टर, एनिमेसन, प्रेसिसिङलगायत कार्य हाल सञ्चालनमा छन् ।
वि.सं.२०७५ असोज ८ सोमवार ०८:०६ मा प्रकाशित