हामी सबैकाे संसारन्यूज

१० असोज, काठमाडौँ । सिराहाको लहानबाट अपहरणमा परेको भनिएका एक चिकित्सकले अपहरणको नाटक गरेको पाईएको छ ।
हेटौंडाको अस्पतालमा कार्यरत चिकित्सक सुवास बनैता यादवलाई साँझ अज्ञात समूहले अपहरण गरेको खबर बाहिरिएको थियो । प्रहरीले रातभरि खोजी गरेपछि यादवलाई सर्लाहीको नवलपुरबाट फेला पारेको थियो ।

उनलाई अज्ञात समुहले गाडीमा हालेर अपहरण गरेको भनि यादवको श्रीमतीले प्रहरीसमक्ष उजुरी दिएकी थिईन् । त्यसैका आधारमा प्रहरीले खोज्दा उनी म २ प ८२८६ नम्बरको मोटरसाइकलमा भेटिएको सिराहाका प्रहरी प्रमुख एसपी जीवन श्रेष्ठले जानकारी दिए ।

श्रीमतीसँगको सँगको झगडाको कारण अपहरित भएको नाटन गरेको हुन सक्ने प्रहरीको अनुमान छ ।
नाटक गरेको हुनसक्ने भन्दै प्रहरीले डाक्टर माथि नै अनुसन्धान सुरु गरेको एसपी श्रेष्ठले जानकारी दिए । हाल उनलाई प्रहरीले नियन्त्रणमा लिई अनुसन्धान सुरु गरेको छ । उनले बयानको क्रममा आफुखुसी मोटरबाइकमा गएको बताएको प्रहरीले जनाएको छ ।