Sansar News
१२ असोज, काठमाडौं । राज्यका उच्च ओहोदामा पुगेका नेता तथा अधिकारीले गाडी चालक सुविधा लिने गरेको नौलो होइन । तर गुल्मी इश्मा गाउँपालिका २ का अध्यक्ष टिका रेश्मीले भने मोटरचालक सुविधा लिएका छन् ।
उनले दैनिक कार्यसम्पादनका लागि मोटर साइकल ड्राइभर भर्ना गरेको आजको नागरिक दैनिकमा समाचार छ ।
गाउँपालिका वा अन्यत्र जान उनले लु१ब १४८० नम्बरको मोटरासाइकल प्रयोग गर्दै आएका छन् । मोटरसाइकल चलाउन नजान्ने उनले रमेश घिमीरेलाई मोटरसाइकल चालक राखेका हुन् । जनप्रतिनिधि सुविधा भोगी हुन थालेको गुनासो आइरहेका बेला जनप्रतिनिधिले नै मोटरसाइकल ड्राइभर भर्ना गरेपछि स्थानीयले आक्रोस व्यक्त गरेका छन् ।
वि.सं.२०७५ असोज १२ शुक्रवार ०७:३२ मा प्रकाशित
