हामी सबैकाे संसारन्यूज

१५ असोज, काठमाडौँ । प्रधानसेनापति पुर्णचन्द्र थापाले नेपालमा आन्तरिक द्वनद्धको पुनरावृत्ति हुने खतरा बढेको विश्लेषण गरेका छन् । निर्वाचनपछि देश स्थिरतातर्फ अघि बढेको, तर आन्तरिक बाह्य सुरक्षाको र बाह्य सुरक्षाको हन्तरसम्बन्धको कारण आन्तरिक द्वन्द्धको पुनरावृत्ति हुने सम्भावना रोक्न नसकिने उनको तर्क छ । भदौ २४ गते जङ्गी अड्डामा पदभार सम्हालेपछि सकलदर्जालाई सम्बोधन गर्दै उनले सम्वादबाहेक राज्यसँग अन्य विकल्प नरहेको चेतावनी दिए । सरकारले असन्तुष्ट समूहसँग वार्ताको तयारी गरिरहँदा उनको यस्तो भनाई सार्वजनिक भएको हो ।

प्रधानसेनापति थापाले २४ भदौमा गरेको सम्बोधनको पूर्णपाठ सेनाले आइतबार वेवसाइटमा राखेको छ । प्रधानसेनापतिले कुनै समूहको नाम लिएका छैनन् तर, तराईमा सक्रिय सिके राउत समूह र पश्चिम र मध्यपश्चिमका पहाडी क्षेत्रमा सक्रिय नेत्रविक्रम चन्द नेतृत्वको माओवादी समूहलाई लक्षित गर्दै अभिव्यक्ति दिएका छन् । नयाँ पत्रिका दैनिकमा समाचार छ ।