हामी सबैकाे संसारन्यूज

१९ असोज, काठमाडौं । नबिल बैंकका डेबिट, प्रिपेड तथा क्रेडिट कार्ड प्रयोगकर्ताहरुले नेपाल क्यान्सर अस्पताल र अनुसन्धान केन्द्रमा विशेष सुविधा पाउने भएका छन् ।

नबिल बैंक, नेपाल क्यान्सर अस्पताल र अनुसन्धान केन्द्र बिच भएकोे एक सम्झौतामा नविल बैंकका कार्ड प्रयोगकर्ताहरुले नेपाल क्यान्सर अस्पताल र अनुसन्धान केन्द्रबाट विभिन्न सेवा पाउने बताइएको छ ।

उक्त सम्झौता बमोजिम नेपाल क्यान्सर अस्पताल र अनुसन्धान केन्द«ले रेडियोविज्ञान (रेडियोलोजी) प्रयोगशाला तथा बेड शुल्कमा १० प्रतिशत विशेष छुटका साथै विकिरण चिकित्सा (Radiation Therapy) र (Brach Therapy) मा ५ प्रतिशतको विशेष छुट प्रदान गरिने पनि बताइएको छ । बैंकका कार्ड प्रयोगकर्ताहरु लगायत उनीहरुको दम्पति, बालबच्चाहरु तथा आमाबाबुहरुको चिकित्सा उपचार गर्दा समेत सो सुविधा प्राप्त गर्न सकिनेछ ।

“ग्राहकहरुलाई अधिक सेवा प्रदान गर्ने हाम्रो प्रयासको निरन्तरता स्वरुप नेपाल क्यान्सर अस्पताल र अनुसन्धान केन्द«संगको यस सम्झौताले हाम्रा कार्ड प्रयोगकर्ताहरुलाई व्यापक स्वास्थ्य सेवाको लाभ पुग्ने हामीलाई विश्वास छ ।’ बैंकका प्रमुख खुद्रा बैंकिङका निरज शर्माले भनेका छन् ‘नेपाल क्यान्सर अस्पताल र अनुसन्धान केन्द्र जस्तो उत्कृष्ट व्यवस्थापन र गुणस्तरिय सेवा प्रदान गर्ने क्षमता भएको अस्पतालसंग सहकार्य गर्न पाउँदा हामीलाई खुशि लागेकोछ ।’

आफ्नो ग्राहकहरुलाई उत्कृष्ट सेवा र सुविधा प्रदान गर्न निरन्तर रुपमा कार्यरत रहेको बताउने बैंकले यस सम्झौताबाट बैंकका कार्ड प्रयोगकर्ताहरुले विश्वव्यापीस्तरको स्वास्थ्य सेवा प्रदान गरिरहेको नेपाल क्यान्सर अस्पताल र अनुसन्धान केन्द्रको विशेष छुट मार्फत लाभ हुनेछ भन्ने विश्वास बैंकले लिएको छ ।

नबिल बैंकले ७४ वटा शाखाहरुको बृहत सञ्जाल, ११८ वटा एटिएमहरुको विशाल संरचना र १,५०० भन्दा बढी नबिल रेमिट एजेन्टहरुका साथमा देशव्यापी रुपमा र विश्वभर धेरै एजेन्टहरु मार्फत् सेवा प्रदान गरेर आफ्ना सबै सरोकारवालाहरु संगै अघि बढ्ने विश्वास लिएको छ ।