हामी सबैकाे संसारन्यूज

२४ असोज, काठमाडौँ । दसैं नजिकिइसकेको अवस्थामा कयौं सरकारी कार्यालयका कर्मचारीले तीन महिनादेखि तलब पाउन सकेका छैनन् । खासगरी प्रदेश मातहतका कार्यालयका कर्मचारीले लामो समयदेखि तलब नपाएका हुन् । आफ्नो र कार्यालयको दैनिक खर्च उनीहरूले उधारोमा चलाइरहेका छन्  ।
महिला विकास कार्यालयका नीरा चापागाईंले दैनिक कामको अख्तियारी हालसम्म पाएकी छैनन् । जिल्ला समन्वय समितिको एक कोठास्थित महिला विकास शाखामा रहँदै आएकी उनीसँग कार्यालयमा गर्नुपर्ने कामको कुनै अख्तियारी छैन । उनले असारदेखि हालसम्मको तलब समेत पाएकी छैनन् ।
२९ वर्षे जागिरे जीवनमा पहिलो पटक लामो संक्रमणकाल गुजार्नुपरेको क्षेत्रीय संग्रहालयका प्रमुख चन्द्रप्रसाद अधिकारीको भनाइ छ । ‘तीन महिनासम्म तलबविहीन हुनुपरेको पहिलोपटक हो,’ उनले भने, ‘आफ्नो परिवार र कार्यालयको दैनिक खर्च समेत उधारोमै चल्दै छ ।’ कान्तिपुर दैनिकमा समाचार छ ।