हामी सबैकाे संसारन्यूज

३० असोज, काठमाडौ । दसैंका लागि मुस्ताङका च्यांग्रा काठमाडौं ल्याउँदा पाँच ठाउँमा कर लागेको छ । मुस्ताङ,म्याग्दी, पर्वत र कास्कीमा पाँचवटा कर तिरेर काठमाडौं ल्याइएका च्यांग्रा व्यापारीले बताए । स्थानीयतहदेखि ट्राफिक प्रहरी र गुन्डा सम्मलाई कर बुझाउनु परेको उनीहरुको गुनासो रहेको आजको नयाँपत्रिका दैनिकमा समाचार छ ।
१० वर्षदेखि मासु व्यवसयामा क्रियाशील सिन्धुपाल्चोकका रामलाल श्रेष्ठले प्रत्येक दसैँमा बाहिरी जिल्लाबाट खसी, बोका, च्यांग्रा काठमाडौं आयात गरेका छन् । यसपटक उनले मुस्ताङबाट ३ सय ५० च्यांग्रा ल्याएका छन् । तर, गाउँपालिका, नगरपालिका, टोले गुन्डा र प्रहरीलाई करिब ६० हजार रुपैयाँ कर बुझाउनु परेको उनले बताए ।