हामी सबैकाे संसारन्यूज

९ कात्तिक, काठमाडौं । सरकारले कञ्चनपुरकी बालिका निर्मला पन्तको हत्या प्रकरणमा निलम्बनमा परेका तत्कालीन प्रहरी उपरीक्षक (एसपी) डिल्लीराज विष्ट र प्रहरी निरीक्षक (इन्सपेक्टर) जगदिश भट्टलाई पदबाट बर्खास्त गरेको छ ।
निर्मलाको बलात्कार तथा हत्या प्रकरणको छानविनमका लार्पवाही गरेको आरोपमा सरकारले विष्ट भट्टलाई बर्खास्त गरेको पनि आजको राजधानी दैनिकमा समाचार छ ।
उनीहरु बिहिबार मात्रै प्रहरी प्रधान कार्यालयमार्फत दोश्रो स्पष्टीकरणको पत्र गृह मन्त्रालयमा बुझाएका थिए । तर, गृहले भने जवाफ चित्त बुझ्दो नभएको भन्दै बर्खास्त गर्ने निर्णय गरेको हो ।
पन्त हत्याको अनुसन्धानमा लार्पवाही गरेको भन्दै प्रहरी महानिरीक्षक सवेन्द्र खनालले गत २९ असोजमा प्रहरी उपरीक्षक विष्ट र र प्रहरी निरीक्षक भट्टलाई निष्कासन गर्न गृहमन्त्रालयमा पत्राचार गरेका थिए ।