हामी सबैकाे संसारन्यूज

१२ कात्तिक, काठमाडौ । नेपाली कांग्रेस कार्यकर्ता आधारित पार्टी नभएको भन्दै विधान मस्यौदा समितिले अब एकै प्रकारको सदस्यता रहने गरी प्रतिवेदन तयार गरेको छ । पार्टी महामन्त्री पूर्ण बहादुर खड्काको नेतृत्वमा गठन भएको मस्यौदा समितिको आइतबार पार्टी केन्द्रीय कार्यालयमा बसेको बैठकले विद्यमान दुई प्रकारको सदस्यता हटाउँदै एकै प्रकार बनाउने सहमति गरेको आजको नागरिक दैनिकमा समाचार छ ।
एक देखि चार प्रकारसम्मको सदस्यता बनाउनलाई प्रदेश स्तरीय छलफलमा लगेको समितिले ‘नेपाली कांग्रेसको सदस्यता’ नाम दिएर एकै प्रकारको सदस्यता रहने गरी विधान मस्यौदा तयार गरेको छ । प्रत्येक वर्ष आफै उपस्थित भएर सदस्यता नविकरण गर्नुपर्ने प्रावधान सहित सदस्यता पाउने व्यक्तिले पालना गनुपर्ने मापदण्ड समेत तयार गरेको छ ।